أنا والحاسة السادسة وما أعرف منو 2024.

قبل شهرين تقريبا كنت ف الدوام يت المستخدمة وقالت لي انه ف ريالين برع يبغوني سرت اشوف منو اللي برع طلعوا اثنين من موظفي جهة حكومية وعندهم شغل ف مدرستنا واحد منهم كان ياي من قبل مدرستنا والثاني اول مرة ايي دخلوا المكتب عندي الاول لانه يعرفني من قبل تم يسولف ويتكلم ف موضوع الشغل المطلوب منا والثاني كان ساكت نوعا ما وما يتكلم مثل الريال الأول لاحظت انه كان يدقق ف الاشياء الموجودة ف مكتبي وتم يطلع الاوراق المعلقة على البورد ولفت انتباهه الصورة الموجدة ف مكتبي تم يطالعها وااااااااااااايد ،،هدوئه واسلوبه ف الكلام والمرحلة العمرية اللي هو فيها خلتني احس انه عضو ويانا ف المنتدى سيدا يه ف بالي عضوين من أعضاء المنتدى اللي ويانا ما أعرف ليش ياني هالاحساس مع انه وايد رياييل يدخلون المدرسة ويكونون من جهات مختلفة لكن أول مرة ايي لي هالاحساس أنه هالشخص عضو ويانا ف المنتدى

:

ربيعتي ف الدوام تقول لي شو بلاج احس ان المزاج عندج مب لين هناك قلت لها عادية ما فيني شي ردت وقالت احساسي يقول لي لا واحساسي ما يخدعني….فعلا كنت متضايقة شوي

ف البيت يقولون لي شو بلاج من كم يوم وانتي شكلج حزينة ومتضايجة رديت وقلت لا عادية (مع أني كنت جذابة)قال لي لا تحاولين احساس يقول لي انه فيج شي واحساسي ما يخدعني

:

انسانة عزيزة علي ولها مكانة كبيرة ف حياتي كنت وياها سوالف وضحك وطلعات وحركات استهبال على بعض من فترة انجلب حالها ومب مثل قبل مكالماتها قلت وما صرنا نطلع ولا نلتقي مثل قبل ويوم سالتها ردت وقالت مشاغل وظروف البيت ما تسمح ،،، الحاسة السادسة عندي تقول لا السالفة غير ومرة كنا سوالف وبزلة لسان منها عرفت السبب وسكت وما خبرتها

:

والحين دوركم يا اهل العاصمة شو أخبار الحاسة السادسة وياكم ؟؟؟

تصيب ولا تخيب؟؟

تؤمنون فيها ولا ما عندكم هالسوالف؟؟

الحاسة السادسة عندي تقول انه بعد 17 يوم بحصل هدية محترمة وعلى مستوى

العفو

مب بس الامهات تلاقين هالشي بين الاخوان وبين الاصدقاء الي تكون علاقتهم قوية ومرتبطين من زمان

ما سألته

اهلين وسهلين خيتو (بالسوري)

وجودج الاحلى

عن نفسي مستحيل افتح هالسالفة خاصة ف الموقف اللي ذكرته شو اقول للريال انت عضو ويانا ف المنتدى بيقول ف خاطره هاي موظفة ف التربية ولا تقرا الكف وتشوف الطالع

الله يبارك فيج

هلا والله بالمتميزة منو قدج طلع اسمج في لوحة الشرف والابلة حطت لج نجوم

بس ما خبرتيني منو اون لاي ن الحين درام واحد ولا درام اثنين

فديت الضحكة واللي ضحكتها والله

حبيبتي درام الحب الاصلي المعتق

موضوعي عن الحاسة السادسة ركزي وياي عدل وانتبهي