1_ فارق السن بين الاعضاء ( بس للاسف عضاء وايدين ناسين هالجانب ..ويتحاورون مع الاعضاء على اساس انهم في نفس سنهم ..
2_ عدم وجود الاسلوب في التعامل ( فتلقون بعض من الاعضاء بدل ما يقدمون النصيحه اذا شافو غلط من العضو اللي كاتب الموضوع يستفزونه و يستهزون باللي كاتبنه ..وهالشي يولد الخلاف بين الاعضاء ..
3_ جملة (( منتدانا هدفه المواضيع الجديه والمفيده ))
وانا وياكم في هالنقطه ومحد يعترض عليها ..بس شرات ما للجد وقت ..لازم يكون للمزح والتسليه وقت ..عسب الاعضاء ما يحسون بالملل ..بس للاسف هاللي صاير هالايام..
ما بطول عليكم ..واللي عنده اضافه يقدمها لنا ..
تحياتي لكم ..واسمحولي
من وين تيبين هالمواضيع الحلوه
بالنسبه للموضوع مثل ما ذكرتي في عددت أسباب لخلاف بين الأعضاء
وأنا في نظري أهم سبب هو عدم وجود أسلوبه للنصيحه اللي ذكرته
الصراحه في بعض الأعضاء تكتبين موضوع ويفسرون على هواهم وفي الرد يهاجم صاحب الموضوع قبل ما يعرف شو قصد العضو ..
والسبب الثاني شخصية العضو أو العضوه في بعض الأعضاء يزعلون بسرعه وبعضهم مرحين .. لازم كل عضو يعرف شخصية العضو الثاني عسب ما يصير خلاف بينهم أو ضرابه
أدري وايد اتفلسف
😀
بس ما اقدر اقول غير الله يهديهم ويخليهم على قلب واحد… ويد وحده ان شاء الله
تسلمين ع الموضووووع … وماشاء الله عليج.. دايما مواضيعج تحوز على الاعجاب
فعلا مثل ما تفضلتي
الاسلوب
اسلوب الحوار ولغه الحوار جدا مهمه
نحنا نتفق كلنا باننا مسلمين
نؤمن بالله ورسوله عليه الصلاه والسلام
نرجوا رحمته ونخشى عقابه
ولكن منا المقصر ومنا الصغير ومنا من هو جاهل
ولا اعتقد من يوجد بيننا غير محتاج لنصيحه
او توجيه مهما اخذ من العلم وبلغ من الدرايه
فالواجب علي الكبير والعالم و من من الله سبحانه عليه
بنعمه الهدايه والعلم
ان يبسط يديه لاخوانه
ويترفق فالرفق ما كان في شيئ الازانه
اسلوب الشده والغلظه والتهكم والازدراء من جهل بعضنا
لم يولد الا الشحنا والبغضاء
وتسرب كثيييرين لوبقوا معنا وترفقنا
بهم لعل الله اي يهديهم
اتمنى ان رائي يقبل براحابه صدر
كلام جيد..
وفي محلة…
ولازم نحاول تعديل الوضع..
والله المستعان
وطبعاً يوجد مواضيع جديه هنا ولكنها قليلة جداً
ويوجد أعضاء هنا أقدرهم وأحترمهم مثل الأمير
ماشاء الله عليه مواضيعه جيده وجميله وجديه لا تتسم أبداً بالتفاهة
والسلام عليكم
انا مع الاخ أسد فيما قال..
ولا اريد ان ازيد مع ان في قلبي كلام كثير
ولكن ارجو ان نقلل من المواضيع الركيكه المهزوزه التي لا قيمة لها.
وجزاكم الله خير.
جزاك الله خيرا ….
اتمنى ان اختلاف الرأى لا يفسد الود بين الاعضاء..
اتمنى الترفع عن الصغائر والمشاحنات بين الاعضاء ..
اتمنى عدم التجريح والتلميح بين الاعضاء…
اتمنى توافر النيه الحسنه بين الاعضاء ….
اتمنى من الله العفو والعافيه …. لكل الاعضاء والمشرفين
اسف على الاطاله ولكن ما يجيش به صدرى اكثر ….
مع خالص تحياتى
ليش نختلف و احنا مسلمين
لما يختلفون الأعضاء احط ايدي على قلبي اتوقع السالفة تكبر
الخلافات هذي … مع اني ما لي خص فيها تأذيني نفسياً
—————————————————————
الحل تدعون الله سبحانه و تستغفرون
لما تكون معصب ياريت لو تصلي على النبي و تذكر الله
————————
عاااادي كلّم بصوت عالي و قول لنفسك ليش تسوي جذيه و انت متعلم و مثقف و مفروظ ما تسوي جذيه
——————————-
اتذكروا جمرة تحت ريلك و ثانية تحت ريل اربيعك و تصير الظرابة
———————–
ليش ما انفكر و نحسن النية … تراك مب محاسب على اللي في قلب اربيعك … بس محاسب على اللي تشوفه و تفهمه و خل الباقي على الله … لأنه اعلم منك
—————————————
اعط اخيك المسلم … ليس عذراً واحداً و لكن سبعين عذر … فلو حطلت له سبعين عذر على تصرفاته … فانصحك تدوّر العذر ال 71
———————————-
اعلم ان 95% من اعتقاداتك و مخاوفك و افكارك اللي تفكر فيها في حالة الخصومة غييييييييير صحيحة و غير واقعية … فلا تحكم على غيرك بهذه الطريقة … لو حد غلط عليك … ممكن ترد عليه بس بطريقة مؤدبة و بدون مشاكل … تنفس عن اللي في قلبك بس ما تجرح غيرك ( استعمل كلمات لطيفة مثل : انا اتضايجت من اللي قلته، او انا زعلان منك لأنك … ، او انا ابا انصحك تسوي … بدل ما تسوي …. ) كلمات حلوة و ما تزعل حد و ما تخلي شيء في قلبك.
—————————–
اكتم غيظك و حصل اجر … و الله الدنيا ما تسوى
و فقكم الله
Melody
مشكور اختي وتسلمين ع الاضافه
صرخة ألم
مشكوره اختي ..والله يسمع منج
ورق الورد
تسلمين اختي ..
وبصراحه ردج عيبني
تسلم اخوي ع الرد
أسد المنتدى
صدقت اخوي ..وان شاء الله الوضع يتحسن في المنتدى
Dr.M
مشكور اخوي وتسلم
kfarrag
مشكور اخوي وتسلم ع النقاط
Melody
مشكوره اختي وتسلمين ..
وعيبتني هالعباره
[gl]اكتم غيظك و حصل اجر … و الله الدنيا ما تسوى[/gl]
ما بغيت انسا السالفه ذكرتيني:D 😀
انا لله وان اليه راجعون
فديتج:D
موضوع حلو الصراحه يبرد على القلب في هالحر:D 😀
اتمنى تنسون لاي صار نبدا صفحه يديده مو كل ما انسى اشوف موضوع ثاني نازل
مشكلتكم وايد
هههه
والله انا بلوة
وين ما اطقها عويه
مسامحه على الازعاج الي سببته في الامارة
وعساكم القوة شباب