أخطاء ولكن من المسؤول ؟؟؟؟؟ 2024.

الموقف لولد أختي بعد ما سوا العمليه بريوله قالوا لنا العمليه نجحت وكل شي تمام
قلنا الحمدالله .. بعد كم يوم قالو يبه عمليه ثانيه بريوله … قلنا ما عليه .. سوا العمليه
وقالواان العمليه نجحت …. بس نحن كنا ما نشوف اي تقدم في صحته الريال طايح مره
انشوفه ما ينام ومره نشوفه يقعد يسولف ويقول اشياء مثل المينون ومره جسمه كله يعرق
قالوا هذي كلها من الأدويه المسكنه والمخدر .. قلنا اذا هو ما يستحمل لا تعطونا قالوا نحن قلنا
للمرضه انها تعطيه بس لمدة 3 ايام ( والممرضه ما قصرت عطته لمدة 15 يوم) قلنا له انت يوم تكشف على ملفه ما تشوف كم مره معطينه ؟؟؟؟ لا جواب

فقررنا انه نسفره لبرع وبعد الفحوصات اللي سوها برع النتايج كما الآتي:
1_ العمليه الاولى في خطا وفاشله
2_ استغبربوا من الادويه اللي كانوا يعطونه والمسكنات
3_ حاطين حديده بريله مما سبب انه رجل الواحد اطول من الثاني … وغير الحاله النفسيه والبلاوي

من المســـــــــؤول ؟؟؟؟؟

الموقف الثاني

كنت بالمستشفى يت بنت اختي تقول انه ولد جيرانهم راقد بالغرفه الثانيه .. قلنا ليش
قالت الريال عنده زكام وعنده حمه شوي .. راح مستشفى القاسمي عطوم ابره بالغلط
فتشلل كل جسمه والحين يايبنه اهني

من المسؤول ؟؟؟؟؟؟؟؟
وغيرها من المواقف اللي لا تعد ولا تحصى …….

ابى اعرف الاطباء اللي عندنا على اي اساس يختارونهم … ولا هم بقاء الغرب ومطرشينه لنا ؟؟

المشكله ان الاخطاء اتصير من الاهمال ولا مبالاة … وإذا الاخطاء غير مقصوده بنقول ما عليه
بالله شفت دكتور يعرف اضرار الادويه والمسكنات بس مع ذلك يعطي المريض وبكميات كبيره
ويوم قلنا خلاص بنسفره قالوا لا ما يحتاي العلاج متوفر في الدوله ويوم سووا العمليه ما اعترفوا بفشل العمليه ولا خبرونا فيه

عمو نبيل يسلمو على الموقع بس تدري ثقافتي فرنسي مب انجليش لو اتجرم الموقع بالفرنسي