تعلمت وايد من هذا المنتدى… وربحت وايد في هذا المنتدى… عرفت اشياء وايد من هنيه
قبل ما كنت اعرفها… يمكن القرار اللي قررته صعب عليه .. ولكن خلاص ما برجع في كلامي
اشكر اخواني .. الامير لانه استضافني في المنتدى
اخوي الحسام … شجعني وايد.. وتعب بعد وايد..
اخوي كلاسيكي… منه بدا التغيير في حياتي
واخواني سلومي والشاحوف وبشتخته والسؤدد ودكتور ام .. والبرنس وغيرهم وغيرهم
اخواتي الغاليات.. عرفت معنى الاخت هنيه … عرفت معنى الثقه هنيه
اختي جمرة غضا… ياما حبيت اقرى مواضيعج واحرص على قراءة ردودج في نفس الوقت… حبيتج ولا
عرفتج غير هنيه…. احبج في الله
اختي اماراتيه… عرفت انج انسانه بشوشه ومتفائله.. تعلمت هالشي منج..
اخواتي الشبابية والمغروره وشوق زايد وقطوة الفريج وبنت دبي …
لم اعهد اخوة في الله الا ها هنا في هذا المنتدى الرائع
ما بقول لكم اني ما برجع بس انا متاكده اني في يوم برجع هنيه..
بس حبيت اقول لكم اني ما بطلع من هنيه الا بعد ما نخلص من المشرووع… وبطالع من بعيد لبعيد…
تاكدوا اني دايما بزوركم وبعرف اخباركم من بعيد لبعيد..
ااخر شي احب اقول لكم .. اتمنى اني ما كنت حمل ثجيل عليكم
وقبل كل شي انا اليوم طرشت رساله لاخوي الامير عشان الاشراف
اللهم اجمعنا في رياض جناتك.. واجعلنا من تعاون على الخير
اختكم في الله
الله يعلم اشكثر معزتج في قلبي وشكثر فرحتلج يوم خلوج مشرفة ..
وما شفت منج الا كل خير .. وأحبج في اللي جمع بينا في هالمكان
بس ليش تبين تودرينا ؟ حد زعلج وللا عندج مشاغل وللا شو بالضبط 🙁
اختي في البدايه .. تحياتي لج وعلى هالشعور الطيب تجاه اخوانج وخواتج اعضاء المنتدى… كلمات رائعه من عضوه ومشرفه لها لمساتها في هالمنتدى
بس ودي اقولج كلمه … 🙁
كلمه انج تودرين المنتدى .. شليها من قاموسج ..
سوي مثل ما سويت (خذي اجازه شرات ما سوى اخونا السؤدد)
ورمضان ياي .. 
اما مسأله الاشراف .. اختي لا تستعجلي بقرارج (ترا الاماره تحتاجلج):o
والله يكون بعونج ويسهل دربج وين ما تكونين#cat#
——
@@ ورمضان كريم @@
اسمحولي اخواني عالغيبه .. ظروف معقده
والسلام
🙁
اول شي مشكوره عزيزتي على مشاعرج الطيبه وانتي بعد اخت عزيزه وغاليه
ثاني شي أتمنى انج تفكرين عدل واذا عن الظروف ترانا كلنا نمر في ظروف بس ما قلنا بنظهر من المنتدى..
ارد واقول لا تتسرعين في قرارج وفكري مره ثانيه..
اختي اني حديث عهد بهذا المنتدي الرائع اقول الرائع ليس مجامله لاحد واني والله قد قرأت احدمشاركاتك وهى ( أخي أختي ما أجمل تلك اللحظات التى عشناه ……..الخ ) وقد تمنيت ان تكون تلك المشاركه وثيقة لهذا المنتدي لما جاء فيها من عظيم الفائده .
واليوم وانا ارى هذه المشاركه التي قد تكون النهايه اتمني عليك المواصله وان كان لديك ما يمنع الان فنحن في انتظار العوده انشاء الله.
ودمتي في حفظ الله اينما كنت,,,,,
نصيحة لا تودرين المنتدى
شرات ما قالت الشبابيه لو عندج ظروف كلنا نمر بظروف صعبة
و احياناً نحس ان الظروف بتغلبنا و بنمووووووووت من الهم و الحزن
بس سبحان الله المشاكل و الظروف تكون صعبة و كبيرة في البداية و بعدين تصغر و تختفي
اختي الغالية فكري مرة ثانية … ما نروم نخسر عضوة شراتج
محد يروم يسد مكانج:(
اختج
Melody
لانج دايما تمدحين المنتدى واعضاء المنتدى الكرام
شو اللي تغير صرخة الم وشو الظروف اللي بتخليج تتركينا
اوكي اذا عندج ظرف او مشكله حليها وردي لنا اما انج تتركينا الصراحه مانسمح لج
تتخذين القرار هذا
واذا مصممه اتاكدي اني ماراح اسامحج صدقيني وبكون زعلان عليج
الا اذا ذكرتي لي سبب مقنع
طبعا هذا اذا كان لي خاطر عندج :rolleyes:
نتريا الرد
لا تسوين مثل ماااسويت انا والله ندمت وحسيت في شيء ناقصني حتى لو ما اشااارك وضروووووووفي متساعدني بس قلبي وياهم
فكري اختي قبل هذا القرار
قرارج فاجأ الجميع
واكبر دليل على ذلك عدم رغبتهم في قرارك
لنهم اعتادوا عليك اختي الكريمه
لا ندري ظروفك التي دفعتك لهذا القرار
ولكن ثقي بأن الجميع يتمنى وجودك ويكره فراقك
اتمنى ان تعيدين التفكير في قرارك هذا
بالي اترك المنتدى بعد تفكير اطويل احس ان هالشي مول مالاداعي
حتى لو كان شو يعني بتقولين والله ما بتفيج اكتب مواضيع
انا اقووول لج يوم بتفضييين دخلي لكن انج اتودرين ما عندنا حد يودر
خل عنج هالرمسه 😀 ها الغاليه يعني اللحين انتي بتقديرين اتوديرين النت؟
مسستحيل لان النت صار شي متداول في حياتنا اليوميه جيف يعني مابتستخدمينه موليه ؟ والله اذا
اذا قلتي لي مشكلتج انا والله بحلها لج صدقيني
بحلها لا تترددين اتقولين لي مشكلتج اوكيك الغاليه 
اختج
غلااااا