السلام عليكم
الصراحه اليوم الصبح يوم قريت جريدة الاتحاد فاجأني الخبر ها !!!!! شوفوا تحت
يعني الحين ها يزانا !!! انييبكم تشتغلون تخربون بلادنا وتكسرون سياييرنا ؟؟؟
الموضوع لازم محد يسكت عنه … اليوم هالمظاهرات واعمال الشغب وباجر الله يعلم شو بيستوي !!!!
اذا عندهم مشاكل ويا شركاتهم يتفاهمون معاها مب يخربون ويكسرون كل شي جدامهم !!! ومنو اللي نظم واقنعهم بهالشغب !!!! اتمنى ان الشيوخ ما يقصرون في ردعهم عسب يكونون عبره لغيرهم
إنني أتساءل .. هل يوجد في الدولة قانون يقرر الحد الأدنى لرواتب وحقوق الفئات المختلفة من العمال؟ .. أتوقع أن وجود مثل هذا القانون مع الرقابة والتطبيق الحازم سيحول دون اتساع هذه الفجوة.
نسأل الله العفو والعافية .. جزاك الله خيرا على طرح الموضوع يا مرعباً وأجرك على الله.
اتفق وياك ان الجهة المسؤولة المفروض تراعي حقوق العمال بعد بس ها ما يسمح لهم بالتخريب وبعدين اعتقد قبل لا اييون من بلادهم يوقعون معاهم عقود ويخبرونهم ان راتبهم بيكون جي !!! فيوم يبون بزياده يتبعون الطرق الصحيحة مب بالتخريب … اسميه فيني حره
وشو مشكلتنا إلا ان صدرنا واسع …. يالله الحمدلله على كل حال وبنشوف شو بتخبي الايام
في أبوظبي مثلاً
مرة سرت شارع إلكترا عند محلات الكهربائيات
دورت موقف للسيارة ما لقيت وفكرت إني أوقف سيارتي في الخلف
و "يالهول ما رأت عيني"
آلاف مؤلفة من الآسيويين
ماشي شغل
مجرد تجمع عادي
والله إني خفت
أي شرطة ممكن تسيطر عليهم إذا واحد منهم زعل ؟؟
نحن يالسن نغرق وسط هالناس
والكل يعرف بهالمشكلة
لكن مع هذا ، أعدادهم تزيد سنة ورا سنة
الحين هالمظاهرات صارت حلاوة بالنسبة لهم ..
بس مثل ما ذكروا في الخبر إنهم موقعين عقد معاهم ..
و الحين اللي بينهم و بين الشركة هالعقد .. و كل واحد لازم يلتزم بالبنود المذكورة
لو مب عايبنهم جان من البداية ما وافقوا على هالشروط ..
بس شكلهم قالوا بنوافق علاعقد و عقب بنسوي مظاهرة مثل ما غيرنا سواها و نفذوا مطالبهم ..
الله يستر .. و الله يحفظ بلادنا من شر هالفئات ..
صدق شي يقهر !!!
نحن ما نمنعهم أنهم يسعون ورا حقهم ويطالبون فيه بس بطرق أحسن من جيه…
وبعدين مثل ما ذكرت ويا الأخوان أنه فيه عقود موقعه من بينهم وبين شركاتهم يعني هم عارفين حقوقهم من قبل لا يشتغلون والطرفين لازم يلتزم بهالعقود…
وبعدين شو ذنب العامة عشان يخربون أملاكهم !!!
أعمال الشغب مب حل الواحد يقدر ياخذ فيه حقه … بس شو نقول؟؟؟
الله يرحمنا برحمته ويحفظ بلادنا من كل شر…
لا تقولي سرت يوم اليمعه … يوم اليمعه حدث ولا حرج من هالتجمعات الآسيوية والله لو يسوون حملة أظني 99% منهم مخالفين لكن لا حياة لمن تنادي !!!!
ويقولون ليش في خلل في التركيبه السكانيه !!!!!!!!!!!!!!
لو تلاحظون ان هالمشاكل اكثرها تستوي في دبي … لان سياسة دبي هينه شوي وللاسف !!! يعني قبل سووا شوي تجمعات يطالبون بحقوقهم وعقب كم شهر مظاهرات والحين هالشغب لانهم من البدايه ما شافوا حد يوقفهم عند حدهم !!!!!!!!
اللهم آمين ويحفظ بلاد كل المسلمين
أتمنى انا ما نسمع او نشوف مثل هالتخريب مره ثانيه ومن أي فئة
اللهم آمين ومشكورين على الرد
و اللهم احفظ كل بلاد المسلمين و انصرهم على الشر….. اميييييييييين