المكان صحراء قاحلة قيس بن الملوح يتمرغ على الارض
قيس : اه يالليلوه .. اموت فيج ياليلووووووه
مها : ( تنزل مها من الهودج وتقترب منه ) قيس
قيس : ( يفتح نظره ثم يغمضه بدون اهتمام ) يابعد عمري ياليلوووه .. اروح لج فدوه ياليلوووه
مها : ( تنظر اليه ) اعنبوك استح فشلتنا .. قم اجلس خل احاجيك
قيس : احبج ياليلوووه .. ذابحني عشقج ياليلوه
مها : والله هذي بنت ابوها .. اللي ممرغه شواربك بالارض
قيس : ( يغضب ) تخسي وتعقب من هاذي اللي تمرغ شواربي بالارض
مها : ليلووه بعد منو
قيس : ( يعود للصياح ) اه ياليلوه .. ذبحني هواج ياليلوه
مها : استح استح على وجهك .. انت مو رجال
قيس : طبعا رجال
مها : وش جالس بروحك في البر تبكي مثل النسوان .. انت ماتستحي
قيس : الحب ي***ت
مها : ( تقلد صوته ) الحب ي***ت .. هذا حب اللي انت جالس تسويه
قيس : اجل وشلون الحب
مها : الحب تروح لها تخطبها
قيس : رحت مايبوني
مها : طبعا مايبونك .. وش يبون في واحد مهبول مثلك
قيس : تأدبي ي***ت انا ماني مهبول .. بس احبها احبها تفهمين وش اقول
مها : افهم .. بس رح اخذها غصب انتوا مو تخطفون البنات
قيس : تخسين وانا ولد ابوي نخطف بنات ليه وش قالولج عنا ..
مها : المهم رح اخطفها وفكنا من سوالفك فشلتنا جدام العالم
قيس : اخطفها .. ( يحك رأسه ) عاد انا مافكرت في هالسالفه
مها : وان شاء الله عيوني فكرت الحين
قيس : لالالا .. الشرف الشرف
مها : وانت خليت شي للشرف الف سنه وانت غاثنا باشعارك وعشقك لها
قيس : وانتوا منوا ..
مها : احنا من الخليج
قيس : ( يعود للبكاء ) واييييييي ياليلوه .. ذبحني عشقج ياليلوووه
مها : تبيني اخطفها واجيبها لك في هالبر
قيس : تقدرين
مها : لو تبي ابوها اخطفه لك
قيس : انتي منو
مها : انا ارهابيه
قيس : ( يجلس مهتما في العرض ) بس ترا ماعندي شيء اعطيج
مها : مانبي شيء منك .. عاشق ومفلس .. ذكرتني في اللي يغازلون عندنا
يشترون سيارات غاليه وماعندهم حق البانزين
قيس : انت وش تقولين ..
مها : المهم وش قلت اخطفها
قيس : يالله خاربه خاربه خطفيها وفكيني
قيس : ( يتفحصها ) يالله
مها : شفيك
قيس : مانتبهت لج .. انتي حلوه وايد
مها : والله ..
قيس : عيونج شفافج خدودج
مها : ( تصفعه ) جب .. بعد مابقى غير قيسوه يتغزل فيني
قيس : ليه وش فيني
مها : والله لو يسمعك متعب ينتف شواربك
قيس : من هذا مرعب… حبيبج
مها : ( تصفعه مرة ثانية ) هذا اخوي بعدين مو اسمه مرعب … المهم صج انت وين شواربك
قيس : حلقتهم وش ابي فيهم
مها : اي والله صاج .. وش تبي فيهم .. اصلا يتعبونك وانت تبكي صح
مها : مهي حاله هاذي .. انت هالحين هالصخر مايغز … مك …..
قيس : استحي ي***ت وش هالكلام
مها : بس انت وين لك مك……. عظم وجلد
قيس : المهم الحين متى تخطفينها
مها : الليله
تلتلقي مها في ليلى
مها : ياااااه انتي ليلى
ليلى : اي نعم انا ليلى ومنو حضرتج
مها : يع يع يع ..
ليلى : وش يع يع يع
مها : انتي اللي مدوخنا فيج قيسوووووه
ليلى : ( تزهو ) نعم
مها : والله ماعنده نظر … يع يع يع
ليلى : وش قصدج انتي
مها : بعد شنو قصدي يع
ليلى : وش يع هاذي
مها : اعنبوج روحي شوفي وجهج في المنظره .. ( تضحك ) صج الحب عمي
ليلى : ( تنظر في المنظره ) قصدج الحفر في وجهي
مها : اي
ليلى : وقصدج ان ماعندي رموش
مها : اي
ليلى : وقصدج ان اسناني م**ره
مها : اي
ليلى : وقصدج وزني اللي فوق الاميه
مها : اي
ليلى: وقصدج …..
مها : ( تقاطعها ) بس بس .. والله لو سنه تقولين عيوبج ماتخلص .. ابي اعرف شغله وحده .. انتي شنو حب فيج قيسوه .. ممكن اعرف
ليلى : تبين اقولج الصج بس ماتعلمين
مها : طبعا ماعلم ..
ليلى : حب فلوسي
مها : فلوسج
ليلى : اي نعم .. تشوفين بيوت الشعر هاذي
مها : اي شفيها
ليلى : هاذي كلها مسجلها ابوي باسمي
مها : الحين قيسوه كل هالسنين يصيح ويبكي عشان طمعان في بيوت هالشعر اللي عندج
ليلى : اي نعم ..
مها : يعني الريال مدوخنا هالسنين بس عشان هالشي
ليلى : نعم ودموعه هاذي اللي شفتيها كلها نصب
مها : انتي تتكلمين من صجج
ليلى : طبعا من صجي ريال منتف ماعنده ولا فلس وتعرف على وحده غنيه اشلون ماتبينه يبجي ويشعر فيني
مها : الحين انتي غنيه .. عندج بيتين شعر ماحط فيهم حتى الهندي اللي عندنا وتقولين غنيه
مها : طبعا غنيه والكل طمعان بفلوسي
مها : يع يع يع
ليلى : وش يع هاذي
مها : ( بامتعاض ) انزين انتي ليه ماتسوين رجيم
ليلى : وش رجيم هذا
مها : لا تاكلين عشان تضعفين وتصيرين حلوه
ليلى : العرب يبون المتبتبه
مها : طبعا قيسووه ميت فيج متبتبه وعندها بيوت شعر
ليلى : ( بفخر ) نعم هذا اللي مجننه
مها : يع يع يع
ليلى : وش يع هاذي
مها : اقول
ليلى : نعم
مها : مالت عليج وعلى قيس .. وانا اللي مختبه وجايتكم .. بس الشرهه مو عليح على التاريخ اللي زور عشقكم …
قيس : ( بلهفه ) ها خطفتيها
مها : ( تقلد كلامه ) خطفتيها .. قاص علينا كل هالسنين واحنا نقول مينون ليلى اثراك تحبها على طمع
قيس : انا
ليلى : أي انت .. اشعارك وينونك كلها عشان بيوت الشعر اللي عندها
قيس : تدرين هالبيوت اللي مو بعينج شي جم تسوه
مها : ( ساخرة ) جم
قيس : ثلاثين دينار
مها : يع يع يع
قيس : وش يع هاذي
مها : عشان ثلاثين دينار مدوخنا هالسنين كلها
قيس : وش مدوخكم من انتي
مها : ولي تعطيك الف دينار
قيس : ( بذهول وفرح ) الف دينار
مها : أي الف دينار بس تفكنا من اشعارك
قيس : ان عطيتيني الف دينار اشعر فيج طول عمري واصير مينون مها
مها : ( هازئه ) والله
قيس : انتِ الضياء وانتِ الحب انما الحب من
مها : ( تقاطعه ) جب جب جب
حلللوة
هههههههههههههههههههههههههه
وااااااااااااااااااايد حلوه مشكوره اختي مها على القصه
خخخخخخخخخخخخخخخخخخخخ
اثاريه يحبها عن طمع واحنا ماندري
خخخخخخخخخخخخخخخخخخخخخخخخخخخخ
الف شكر على القصه
مب جنه حد سرق قصتي 
ههههههههههه
مشكووره على القصه الحلوه
وماندري يمكن يصير قناة فضائية ….
أختي / مها الكويت ….
ممكن أشتري قصصك بصراحة عجباني ……. وابغي أدور مخرج سنمائي وبطلة …. يمكن يجيني قرشين حلوووة من وراها …. ههههه
مشكورة والزعل ممنوع …
تسلمين ولا تحرميناا من يديدج ..
اشواقي
بس للأسف ماكتملت ..