بغيت أنقل لكم بعض الملاحظات اللي شفتها هناك وأبا أعرف رايكم فيها .. يمكن وايدين منكم شافوها قبلي .. بس انا اول مرة أسير وأشوفها .
من الأشيا اللي شفتها هو كثرة الطلابين ( الشحاتين ) وأكثرهم يهال ..
يعني طول الطريج للحرم تحصلهم تارسين المكان وحد منهم ايده مقطوعة ويتعمدون يراوونك الايد المقطوعة عسب ترحمهم وتساعدهم !
طبعا هذا يدخل في باب التسول .. الحين السؤال :
هاذيل فعلا ظروفهم سوت ابهم جيه وللا مشوهين بالعمالة ( مقصودة ) عسب يبتزون عطف الناس ؟!!
انا اللي لاحظته انه شكل القطع بتر متعمد ! وسمعت بعد انه شركات خاصة تنزل هالشحاتين !
واللي شفته أكد لي هالشي .. يعني شكل البنات اللي يطلبن مب محتاي ! كل وحدة لابسة عباة ونقاب ومتحنية نقش وشالة شنطة شو حلاتها :confused: :rolleyes: !!! ويوم حد يعطيهن فلوس ايتمن يتغايظن ويسون حركات غبية ( شفت وحدة تغايظ ربيعاتها وترقص رقصة أفريقية داخل الحرم ) 😡
وبعدين .. شو الحكم في إعطاءهم الصدقات ؟
ووين المسؤولين عنهم ؟ مخلينهم يسوون جيه في هالمكان الطاهر ؟
الملحوظة الثانية اللي ما عيبتني ..
انه الناس جالبين الحرم ديوانية سوالف وأكل !وكل شلة يايبة وياها حصيرة يفرشونها وايلسون عليها …. وهات يا سوالف !
وياكلون ويشربون ولا في الخاطر باس ! حتى الواحد ما يروم يركز لا اف صلاة ولا اف دعاء من حشرتهم !
واليهال لابسين جواتي تزلج ويزلجون جنه العيد ويوصخون المكان ولحد يقولهم شي !
وعادي تشوف وحدة توها رادة من السوق ويايبة الاغراض اللي شارتنها تقول ليلام يحوم!!
الشي الثالث سالفة النعول !
أبا أفهم شي واحد لنه هالنقطة بالذات بتخبلبي !
طبعا معروف انه اللي يسير يصلي يفصخ نعاله عند باب المسيد ..
بس ليش البعض يوم يفصخ نعاله يشلها وياه الين داخل ويحطها حذاله يوم بيصلي !
حد يفهمني …. شو الفرق بين النعال يوم تكون ملبوسة وللا مفصوخة ؟
مب هي وصخة في كل الحالات ؟!! يعني يوم تنفصخ ما بتوصخ ؟
انزين معروف انه الطهارة مب بس مادية .. يعني النعال في كل الأوضاع حالتها وحدة .. وفي رايي مجرد وجودها ( في الريل وللا الايد ) حكمه واحد …….. انتو شو رايكم ؟
هاي مجرد ملاحظات وأتريا تعليقكم عليها ….. وتسلمون مقدما . 😎
صح لسانج .. بصراحة الواحد يعوره قلبه ان هالاشياء تصير في بيت الله الحرام .. نسأل الله الهداية للجميع
ياليت بس جيه … عادي تشوفين البياعين يحومون في ساحة الحرم ويبيعون … واللي يبط الجبد انهم يهال .. مستغلينهم بهالصورة 😡
نسأل الله الهداية لنا ولهم ….. تسلمين عزيزتي على تواصلج الدايم . #G#
لكن الظاهر انهم متعودين عليه عشان جذيه يعاملونه مثل اي مكان ثاني…
اللي نحن نقدر نسويه ان نحترم هالمكان قدر الامكان..و نوجه رساله للمسؤولين…و غير هذا ما نروم
و مشكوره على الموضوع
#G# #G# #G#
#G# #G#
#G#
متوفية
😮
كيف متوفية وحية 😀 😀 ؟
صح كلامج اختي العزيزة .. وع قولة المصريين :
ايه اللي فرعنك يا فرعون ؟ قال ملئيتش حد يردني:rolleyes:
بس المسؤولية بعد عالناس اللي صكروا عقولهم وحكموا عليها بالاعدام !
لو انهم فكروا شوية وما عطوا هالبياعين والشحايتن ويه
ان جان ما ستوى شي عادي !
ولو فكروا مرة ثانية في قدسية المكان اللي يالسين فيه ان جان
ما خلوه ميلس حق السوالف واللعب :rolleyes:
تسلمين اختي على مرورج الأول …. وانشالله ما يكون الاخير #G#
وأذكر في سنة من السنوات أن المملكة شنت عليهم حملة إعتقالات واسعة
وتقريبا الحرم فضى منهم لكن بدت يد الحكومة ترخى عليهم
وأنتشهروا من جديد
أولا: تقبل الله منا و منك صالح الأعمال..نسال الله العظيم أن يثبتك على الحق
بالنسبه للحرم ((المكي)) ..اللي شفتيه استوى شي عادي الناس كل يوم تمر عليه و لا كأنه شي استوى((للأسف))
أما الصغاريه: فعلا أنا بعد سمعت انه في.. خلينا نسميها((عصابات)) تشوه هذيل الأطفال و تستغلهم لجلب المال.
الأفريقيين: 😮 ..هذيلا مازرين كل بقعه ما هدوا مكان في مكه
أهالي مكه يسمونهم شطور السواحل..وايد يسرقون ((طبعا الأغلبيه ما نعمم))..
بس ما ندري منو صدق محتاي:rolleyes:
الحكم عند أهل العلم ..بس اللي اعرفه انه لازم نعطي كل من يسالنا و ما نشوف كيف شكله..يمكن صدق محتاي ((وأما السائل فلا تنهر))
وإذا ما بغينا نعطيهم بيزات ..نقولهم كلمه طيبه((الله يعطيك)) مثلا
انه الناس جالبين الحرم ديوانية سوالف وأكل !وكل شلة يايبة وياها حصيرة يفرشونها وايلسون عليها …. وهات يا سوالف !
وياكلون ويشربون ولا في الخاطر باس ! حتى الواحد ما يروم يركز لا اف صلاة ولا اف دعاء من حشرتهم !
واليهال لابسين جواتي تزلج ويزلجون جنه العيد ويوصخون المكان ولحد يقولهم شي !
وعادي تشوف وحدة توها رادة من السوق ويايبة الاغراض اللي شارتنها تقول ليلام يحوم!!
:rolleyes: الجهل مصييييبه
بالنسبه للنعله((وانتوا ابكرامه)) ..شي مكان مخصص لها داخل الحرم أيضا..الواحد ما يضمن:rolleyes: كل شي معرض للسرقه((في ناس مستغلين الزحمه))ppp
في ناس يحطون النعله في كيس بلاستك..و يحطونه جدامهم في الصلاة..شي عادي
انزين معروف انه الطهارة مب بس مادية .. يعني النعال في كل الأوضاع حالتها وحدة .. وفي رايي مجرد وجودها ( في الريل وللا الايد ) حكمه واحد …….. انتو شو رايكم ؟
ما يستوي نقول رأينا في حكم شرعي ..الشرع حدد كل شي و النجاسات معروفه.
النجاسه في هذي الحاله ماديه مب معنويه.
((واسألوا أهل الذكر إن كنتم لا تعلمون))
جزاك الله خير..
انا يوم سرت أول مره ..فعلا استغربت مثلج .:confused:
تسلمين اختي على الطرح
بصراحه اللي اقدر اشارك به في هالموضوع وبالتحديد النقطه الاولى
وهي التسول .. الجهات المختصه بمكافحة التسول ما قصرت
حتى أذكر انه طاردتهم في رؤووس الجبال في مكه وحصل
اطلاق نار ومشاااكل لأنهم مو واحد ولا اثنين هم كثيييير
ما تتصورون ايش قد عددهم … يعني يبي لهم جيش خاص مو
بس مكافحة تسول ..
أما النقطه الثانيه وهي السوالف في الحرم فهدذا خطأ واضح
ومشاهد .. وهذا يبي له مناصحه .. وربي يهدي المسلمين ..
أما قضية النعال والدخول بها الى الحرم اعتقد مافيها شيء
مادام انه رفعها بيده .. يعني ما بتوسخ الارض ..
وسلاااامتكم ..
وشرات ما قلت .. يوم يتراخى المسؤولين البلاوي تنتشر … نسأل الله الهداية .
الشاحوف .. يزاك الله كل خير عالرد والتوضيح .
وبالنسبة لسالفة النعول .. ملاحظاتك اف محلها .. وفعلا انا شفت صناديق يحطون النعول فيها ..
بس سؤالي عن اللي يشل نعاله ويحطها حذاله عالأرض وما تكون في جيس لنها
نجاسة مادية شرات ما تفضلت وقلت .
يعني ما بتوصخ الأرض :confused: ؟
قبل استغربت بس يوم شفت هالصناديق احترت !!!
:confused:
يزاك الله كل خير اخوي ……
والله يسلمك من كل شر .
ويزاك الله خير عالإضافة .. ترا في النهاية الأمر مرده لتفكير كل انسان ..
والحكومة ما بتروم تمنعهم اذا هم مقتنعين بللي يسوونه .
المشكلة انك كتبت ردك في نفس الوقت اللي انا كتبت ردي فيه …
عسب جيه ما شفت ردك الين خلصت
تسلم وما قصرت . #G#