اعزائي اعضاء منتدى الامارات …
احب ان اوادعكم على امل اللقاء بكم في يوم من الايام …
لقد وجدت فيكم الخصال الحميده … والاخلاق العاليه …
وسلام خاص ل ام مايد ودرام البلديه … هذول الهنتين ابدا ما راح انساهم
لنهم من دخلت المنتدى وهم كانو ويايه طبعا في مواضيعي الي دومها جديمه ولا مكانها غلط
ورغم هذا ولا مره شفت منهم كلمه تحبط …
بالنسبه ل سبب رحيلي … وجودي امبينكم ماله فايده … والهدف من المنتدى انه
نستفيد من بعض… ولين هالحظه وانا ما افدتكم بأي شي … ممكن استفيد منكم
صح وبدون ما اشارك بمر عليكم كازائره …
تحياتي بعد لراعي السيكل والخياال ولكم جميعا الف شكر انكم استضفتوني بمنتداكم
الرائع ……..
مع السلامه …
حورية العين
ترى الحين بطلع عضلاتي وبكل المرعب يخوفج ويلسج هني
سمعي بصراحه ها مب سبب
انا روحي ما افيد ونااااااااااادر
وكله اسوي حشره
انتي ما عليج يلسي لو لقيتي شيء يفيد حطيه وجي يعني
مب لازم تحطين كل يوم
قولي فالأسبوع قولي فشهر بعد مره
وانا بتابع مواضيعج وفااااااااااااااااااااااااالج طيـــــب
يسد الأعضاء كلهم يتشاردون يعني انتي بعدج يديده وتشردين ما يصير
يلسي يا بنت الناس لا اطرش المرعب لج
فأمان الله
من اللي قال ان وجودج ماله فايدة ؟؟؟
ما في حد في هالدنيا ماله فايدة لغيره
كلنا اخوان وخوات جمعنا هالمنتدى الرائع
وأتضايق وايد يوم اشوف حد طلع ولا طول في غيابه علينا
حوريه صدقيني بزعل لو طلعتي
كيف اخت لنا تطلع بسرعه
بس عن دلع الزايد ويلسي مكانج ولا كلمه
لا كده زعل اوي …
وبعدين لو كل واحد طبق هذه النظرية وقال مثل ما قلتي ماراح يبقى احد …
وانا أقول ليش ما تسوين زي ( معملة اللغة العربية ) ..
تجي على كل المواضيع وتسوي علامة ( صح ) …..
وهو منه تصححي المواضيع ومنه يزيد عدد مشاركاتك ( فكره صح )
قولي ( صح ) واستمري يرعاك الله فنحن نكون سعداء حين نشاهد أنضمام عضو والفائدة ان شاء الله تكون بتواجد الأعضاء جمعياً وكل واحد يكمل الثاني مافيه عضو ما نستفيد منه ….
حياك الله بين أعضاء منتدتنا الغالي أخت عزيزة كريمة لا نستغي عن احد ابدا ….
وعلى كلامك انك اخذت على الاخوات هنا واللي كانت تجمعك فيهم اجمل اللحظات
فهل من السهل ان يترك الانسان المكان الذي لقى فيه راحته
سويتي عين الصواب
لا تردين في قرارج
ادري بيطرشون لج رسايل خاصه وبيردون عليج هني في الموضوع
بس خلي راسج يابس ولا تردين في قرارج
سيري قدما ونحن ورائك
أختي حورية/
ويش هذا الكلام؟؟ انت بعدك جديدة ما صار لك فترة..معقولة تتركي المنتدى بهذه السرعة..وهذا يدل على انك تحسي أن مشاركاتك ما فيه فائدة..ومن قال..
أختي لا بد كل واحد يكون عنده زهرة يشمها الأخرين رحيقها..فكوني زهرة رعاك الله في المنتدى..ولازم تكوني حورية في طرح المواضيع وفي إفادة الغير..
لهذا طلبك مرفوض بالثلاث…
وارجعي وشاركي كما انت وحاولي تطرحي مواضيع مفيدة مع مواضيع راحه وهكذا..
وحاولي تستفيدي وتفيدي غيرك أختي..أما ترك المنتدى مب هو الحل..وإذا انت تحسي ان مواضيعك مب زينه فهذا خطأ..
من طرح هذا الموضوع المهم والمفيد..مب انت؟؟
http://www.uae4ever.com/vb/showthread.php?t=105872
اختي استمري في طرح مشاركات تفيدك وتفيد غير ويكتب بها الأجر والحين ياي رمضان يعني لازم نشد الهمة..
هذا منتدى لازم بيكون فيه شيء يكدرنا أو نشوف شيء يضيج فينا ولكن لا ننسى الفوائد والأخوة والأخوات الطيبين..
لهذا أرفض خروجك أو تركك المنتدى بهذه الحجج التي أتيت بها..
وفقك الله تعالى
اختي استمري في طرح مشاركات تفيدك وتفيد غير ويكتب لك بها الأجر
اذا السالفه فيها انج مامنج فايده غيل انا نفس الشي
تراني مااشارك دوم
لان من طبعي اول شي اطالع المواضيع اعرف الناس اعرف اسلوبهم
بس بعدني ماعرفت شي
عقب تبدا مشاركاتي ويمكن مره في الشهر
لاني بصراحه في المنتدى استفيد وااااايد من خلال مطالعتي
وتحياتي لك الاعضاء والمشرفين