أرجوا من الأخوه أن يأخذوا هذا الموضوع بعين الأعتبار وبجديه أكثر .. 
(( تأخر سن الزواج وآثاره الاجتماعية )) في فتره قصيرة جدا تغيرت تقاليد الزواج في مجتمع الامارات في العصر الحديث … خلوكم وياي شوي .. بنحسب كم تكلفة الزواج في العصر الحديث.. بما اني ما عاصرت الجيل القديم .. يعني انا ماعرف عنهم شي الا ان الزواج في الماضي ما يكلف شي … و اذا كلف بيكون على حسب قدرة الشخص … 
الحين الشاب الي يتخرج من الجامعه راتبه 8 الاف درهم .. بنحسب و بنشوف كم بيكلف الزواج ..
1. المهر تقريبا 60 الف درهم. 
2. 100 الى 50 الف درهم الزهبة.. و تشمل الملابس و العطور و المكياج.
3. تكاليف تأثيث سكن الزوجية أو بناء منزل جديد. اقل بيت بيكون ب 200 الف .. طبعا الحين مافي بنت ترضى الا تسكن في بيت خاص لها و هذا من حقها ..
4. الحجز في الفندق او صالات الافراح .. اقل شي 40 الف ..
5. الكوشة وحدها 10 الاف و هذا اقل شي .. انا استغربت لما سمعت ان ربيعي مسوي كوشة ب 30 الف ..
6. ثوب الزفاف يتكلف بين 30 الف و100 الف درهم. هذا اذا كان تفصيل … و بعض النات حليلهن يأجرن الفساتين بقيمة 10 الاف اقل شي
7. بطاقات الدعوة، الفيديو، الطعام و الزينه و الهدايا و العطور….. تقريبا بيكلف 20 .. تقريبا هذا ..
8. شهر العسل. مالزيا و الا تايلاند ..
انا ما بحسب كم بيكلف الزواج .. عاد انتو احسبوا و شوفوا النتيجه !!!
فيني غصة و لازم اظهرها..
خفّوا علينا يا بنات البلاد ترانا مقبلين على زواج ..
السلام عليكم ……….
الصراحة أخي الفاضل .. سبقتني إلى الموضوع ….
لقد لمست جرحا غائراً في صدور الشباب ……
لن أعقب عليك الآن … بل سأنتظر معك ردود باقي الأعضاء …
وللحديث بقية ان شاء الله ….
والله شي يرفع الضغط صح انا معاك
بس ما اعتقد ان كل البنات بيطلبون كل هالاشيا
عاد نحن الشباب جنه بنك
الواحد يبا يتزوج مب بنك يصرف
وعاد الواحد لين ما يجمع كل ها بيقول اخذ لي وحده برع البلاد احسلي
والله ما عرف شو اقولك
ارد عند البنات
والله يهدي المسلمين
وسموووحه
لا تييبون طاري الزواج
تراني منهبل
موووووووووووووووووووووولع
اصصصصصصصصصص
ها كله على راس الاهل
هم اللي يقررون …
وكل ام ما تبي بنتها ماتكون اقل من غيرهاا
والناس مظاهر بها الزمن
بإنتظار ردج و مشاركتج على احر من الجمر … 
_______________________
الصغيرونة
شكرا على الرد اختي الصغيرونه
انتي قلتي مب الكل يطلبن هالاشياء .. بس المشكله اذا الي نبا ناخذها تطلب هالاشياء و اكثر
شو نسوي
الله يهديهن ..
_____________________
DreamLand
صدقت و الله !!!
قبل فتره سمعت عن ناس طالبين مهر 100 الف غير الذهب و الصاله و غيره و غيره !!!!!!!!!
مع انه هالناس على قد حالهم … الام تقول ليش بنت فلانه احسن عني ؟؟!!
مشكور على الرد ..
___________________
ولد العين
هيه صدقت و الله .. لو بنك بعد بيفلس ..
تصدق مرات اني افكر اني ما اتزوج بس على طول اغير رأيي …. 
ماقدر ,,,,
يالله الله يقدرنا على الزواج ..
مشكور على الرد ..
____________________
البتار2
الله يعينك عيل … ان شاء الله تتزوج قريب ..
مشكور على الرد ..
____________________
ريم الاشواق
حليلها البنت ما تقرر شي .. حتى الوالد ما يقرر شي … الي تقرر هي الام ..
حريمنا غير بعد .. الله يهديهن … ليش هالمظاهر ,… ليش ؟؟؟
مشكورة على الرد و التواصل ,,,
_______________________________________________
لازم نخسر ولا ما بيكون عرس
ولازم الناس يرمسون ويمدحون
مب رمستي هاي رمسة الناس المتخلفين
بس اسمحلي أخوي بالنسبه للقاعات والبطايق والفستان والتصوير والكوشه وغيره هاي أسعارهم يعني الواحد مجبور شو بيسوي..
وبالنسبه للطلبات أعتقد أكثرها تكون من طرف الأهل مب بس من طرف أهل البنت حتى من طرف أهل الولد وهذا الي نشوفه..
بس والله حرام تظلمون البنات
ومثل ما قالوا الاخوات البنات مالهم ذنب الذنب كله عالاهل
يعني البنت شوتبغي غير ريال يسترها؟؟؟
الحين البنات متعلمات وفاهمات واغلبهن يعارضوا اللي يصير من المبالغة في المهور
واغلب اللوم اشوفه على الامهات ,حتى الاباء صاروا متفاهمين,بس الحريم عاد ….
وبعدين انت مارمست بهالموضوع غير يوم شفت عمرك قربت تعرس؟؟
موضوع مهم .. ومثير