شحالكم ان شاء الله بخير ؟
صارلي زمااان ما منزله موضوع
عندي موضوع بسيط حبيب تشاكوني فيه وبغيت رايكم ….
المشكله الأولى
بعنوان (خسارة البيزات اللي ينصرف عليهم )
خسارة المصاريف اللي يصرفونها على الدكاتره الصراحه في دكاتره ما يستاهلون المعاش اللي ياخدونه اللي يوصل أحيانا 30000 درهم لأنهم ثقافتهم مب تقافة دكتور وما يستاهل يكون دكتور مثلا عندنا دكتور يدرسني مساق رياضيات للمعلمين 2 والله ما يعرف يشرح ويوم يشرح ويحل مسأله يقعد ساعه يتأمل في المسأله ويوم يحله يقول لانه سوري الحل مب جدي والمحاضره 3 ساعات ما نحل فيه غير مسأله أو مسألتين … (لازم يعد المدرسه من أول )
والجامعه يوم تتعاقد مع الدكتور ما تختبرهم بللا كل من هب ودب يتعاقدون معه ؟؟؟؟؟
لدرحة عندنا دكتور من بلاد المغرب ويدرس مساق بالعربي والريال مسكين جملتين على بعض ما يقدر يركبهم وبرمس مع البنات بالفرنسي نحن مب فالحين بالانخليزي والله مشكله .
المشكله الثانيه ( الوزاره تشحت )
أكيد سمعتو ا عن القرار اللي نزلته جامعه العين وهي جعل بفلوووس بسبب أن الميزانيه تعبانه عندهم عسب جدي قالوا نشحت من الطلاب أحسن ما نخسر الدوله مع أن نص بيزات الدوله على الفسق والفجور ولو قارنه البيزات اللي تصرفه الدوله على المهرجانات والحفلات ما أي ثلث مصرايف التعليم
شو دنب البنت اللي داخلين جامعه العين لأن هي الجامعه الوحيده المجانيه والبنت دخلها محدود ومن وين بتدفع جيمة كل كتاب 150 وأكثر
الصراحه التعليم في الإمارات تعليم فاشل ما منهج والأهداف يسيرون عليه ما يعرفون شو يبون من الطالب ؟
المشكله الأولى
بعنوان (خسارة البيزات اللي ينصرف عليهم )
مب كلهم بس اشوف الاغلبية والله خسارة فيهم الراتب عندنا واحد
يدرسنا النحو الله يعينه جان يركب كلمتين عربي على بعض
المشكله الثانيه ( الوزاره تشحت )
صح اناا لاحظت وايد ها الشي من ايام المدرسة قاموا يتشحتون منا
طباعة وزينة وغيرها .. وصارواااا بالجامعات مب راحميناااا
وحتى يوم بينصح ايتم ينصح وايعيد النصيحة الف مرة فخاطري اقول متى يتخلص الحصة ونفتك من نصايحك اللي ماتودي ولاتيب …
يعني عادي تحصلين مثل ها الدكاترة . ومثل اللي ذكرتيه
والله يعينا..
وتسلمين على الموضوع
أخوكم ولد بوظبي
سمعتوا عن المدرسين اللي عددهم 150 شخص ويايبينهم من الأردن عشان التدريس.؟؟
يعني يامواطن ويامواطنة لاتعبون عماركم في دراسة التربية
الوافدين بياخذون مكانكم
والله الصراحة احس الوزارة ماتفكر .. هي تقول مستحيل المواطن يشتغل بنص الراتب.. انتوا على كيفكم تستحيلون وتفسرون ..؟؟
والفلوس اللي قاعد تصرفونها على الوافدين من رواتب وبدلات كلها تنصرف في خارج البلاد
ياوزارة فكروا من ها الناحية!!!
والله المستعان
في دكاترة نحن اشتكينا عليهم عند المدير ما سكتنا بس ما سووا شي والمدرسين استووا العن
المفروض يكون في رقابة على هالمدرسين
صدى الاحزان: لا تسكتون عن المدرسين واشتكوا عليهم عند المدير او اي مسؤول
ذكرتوني بالجامعة ………………….. الدكتور يحب البنت اللي تي المكتب تستهبل (اونها تسال عن المحاضرة)
وهي اللي تاخذ الامتياز رغم **لها……….
واللي تيب درجات عالية وكاملة …………………..؟
نزلها في شي ثاني …………..؟
بخبركم شو الجامعة الحينة ازفت منها ماشي…………..طبعا من الدكاترة …………….؟
بس نقول في نفس الوقت ……………………
الله يطوووووووووووووووووووول بعمر زايد الخير ………………
لولاه ما تخرجنا وماتعلمنا…………………….؟؟
اختكم
ام مايد
من دكاترة ، إرشاد ، زميلات
وأكثر شي يقهرني إرشاد كليتنا ( تقنية المعلومات ) أصلا ما يعرفون شي اسمه إرشاد
خربوا لي الخطة وجلبوها رأسًا على عقب
وآخر شي يقولون الغلط هب من عندنا من عندكم
كفاية إن نحن طلعونا من كلية البنات وعزلونا في الجيمي ، شو يبون أكثر ، ما أدري؟؟؟!!!!
بالنسبة حق الدكاترة ، مب كلهم زينين ولا كلهم عباقرة زمانهم ، في جي وفي جي
بس الله يعينا عليهم ………. شكلنا بنتخبل عسب نفهم جملة من عندهم
مشكورة أختي عالموضوع
بعدين جامعة الامارات اصلا تبي تغيير في موادها لانها اشبه بمواد المدارس ومايخصها بمناهج الجامعة
صدوي ذكرتيني بدرام الحب 
والله يعينكم على التدريس والمدرسين
ريم الأشواق: لاتدكريني بطباعة أوراق والله فلست كل يوم ملزمه روحوا صوروا فلسوني عيل ليش نخسر الدوله في طباعة الكتب ما دام معتمدين على الملازم والكتب ما نستفيد منها
ولد بوظبي: انا عبالي بس نحن طلعات كل الجامعات مثل بعض الحكومي أوغير حكومي والمشكله أن الدكتور ادا عطى محاضرات زياده يدفعون لهم معاشات زياده مثل عندنا والله قلبي يعورني على البيزات . ومثل ماقلت أن الوزاره ما عندها سيايه ولا منهج تسير عليه عسب تحقق أهدافها هدا ادا كان عندها اهداف
جارة القمر : الله يعين مستقبل الطلاب .
أختي وين أروح أشتكي ادا مدير المركز مشتكين عليه في البث المباشر لأن خريشه اصلا ويه مب ويه مدير والبنات ما يحترمونه لانه ما عنده شخصيه
لطوفه : الله يعين الجميع
أم مايد : معاج حق والله غير سوالف البنات مع الدكاتر هدي برووح طامه كبرى
black forest: اي والله معاك حق عمرهم ما يحطون عليهم شي حتى ادا كانوا هب الغلطانين
جويس : هلا والله لاتخافون مابسون شي مدام صدووي معاكم
ومثل ما قلتي مناهج الجامعه مثل مناهج المدرسه بس بتوسع أكثر
شو نسوي والله من الغصه خسارة بيزات لو يعطوني أياه وبدرس الدرس البنات بدل هالدكاتره اللي مثل الطبله صوتها عالي وبطنها خالي
ملاحظة : ماعندي حرف الدال اللي فوقه نقطه يعني اي كلمه فيها هالحرف حطوا نقطه من عندكم
إلي يقول احينة امهلك عمرة في الشرح عشان نفهم.
اطلع من المحاضرة وأنا امسطلة ع الاخر ، والقهر ضرب حده
والله حرااااااااااام شو فايدة السنين الي انضيعها من عمرنا ، وفي النهاية ما نطلع بنتيجة
نحن نبغي نستفيد والله بس في بعض الاحيان ننظلم في بعض المساقات مقارنة بدكاترة يدرسون كلاسات ثانية.
الله يعينا ، بس علينا بالصبر والمثابرة والاجتهاد الذاتي ، عشان نطلع بنتيجة وما نعتمد عليهم .
طبعا شي مشاكل ثانيه بس خليها على الله
صدوي أول مره تنزلين موضوع شرات الأوادم "يعني الموضوع مشكوك فيه
"