شحالكم ؟
ان شاء الله كلكم بصحه وسلامه..
المهم بدخل في الموضوع
شوفوا يا جماعه حبيت آخذ رايكم في موضوع وأريد أعرف ردت فعلكم بصراحه..
تخيلوا شخص وثقتوا فيه واحترمتوه وبينكم وبين هالشخص عشره
بس للاسف هو ما احترم هالعشره ولا قدر الي بينكم وبينه وسار من وراكم ورمس عنكم مب بس رمس
مثلا فضل ناس عليكم وعقب مع الايام انتوا عرفتوا ان هالشخص خلنا نقول خاين..!
ويوم واجهتوه نكر هالشي بس انتوا عندكم دليل ضده وراويتوه..وعلى هذا كله تم ينكر او ان يدافع عن نفسه ويتعلث بأشياء ما يصدقها حتى الياهل..
كيف بتتصرفون مع هالشخص..؟
🙁
واللي سويته (قطعت علاقتي معاه .. 
لانه للاسف ما يستاهل )
تسلمين اختي عالموضوع
أحسن شي سويته..
تسلم أخوي
وان شاء الله ما تمر في هالموقف مره ثانيه
استوى ان هاي البنت ردت السالفه علي انا
وقالت اني انا اللي غلطت عليها
بس اللي سويته قطعت علاقتي بها نهائيا..
ودايما اطرش لي سلامات بس انا ولا على بالي
لانها صدق ما تستاهل اني اكون صديقتها
او اني اسال حتى عنها
بارك الله فيج اختي
والله ما عرف شو أقولج
شي ناس صدق والله ما يستاهلون بمعنى الكلمه..
تسلمين عزيزتي
وان شاء الله ما تمرين في هالموقف مره ثانيه
الشبابيه
أكيد
بس بعدني ما مريت في هالموقف الحمدلله
واذا مريت أكيد بلبسهم 😉 :rolleyes:
تسلم أخوي
اللي يصير يصير ..
الدنيا ما تسوى عندي ..
اللي يبى يرمس يرمس ..
واللي يبى يزعل يزعل ..
خلي الواحد يعيش الباقي من حياته وهو مرتاح
أنا وياج بس بعد أكيد هالموقف بيأثر عليج
تسلمين عزيزتي
هلا اختيه الشبابيه :
يمكن وجه نظر مختلفه عما انطرح
اولا :الانسان يتوقع من الناس المحيطين فيه
اي هفوه اوغلطه ( شي طبيعي جدا لانهم بشر )
ثانيا :عدم تهويل وتكبير اخطاء الاخرين
ثالثا :مهما ان يكن القطيعه ليست بالحل الامثل
ممكن نستثمر احتكاكنا بهم لتعليمهم بعض الامور
اللي غايبه عنهم بصوره عمليه
رابعا :التسااااااامح
لابد من استيعاب بعضنا البعض
حتى لو تيقنا من خطأ وغرق الطرف الاخر في الخطأ
فقد يكون له عذره
وان لم يكن لديه العذر نعذره نحن
ولابد من وضع خط للرجوع للحق ( خير الخطائين التوابون )
خامسا : السموحه
اختكم
الــــــ ورق ــــــــورد
كنت أحسبك للعهد والحب توفين……..قلتي الغدر ماهي بســـواتـــــي
وانك على عهد المودة تسيرين ………ولاتسمعين أهل الحسد والوشاتي
بان الغدر سم جرى بالشرايين ……….الله عسى يسقيك سم الفعاتي
خذتي الهوى لعبه على ماتحبين ……لين عصفت بالهوى عاصفاتي
ناديت لكن لي ابد ماتسمعين ………..عمري وروحي فكري في ثباتي
حذارك للشينات عمري تماشين ……..عديمات اصل اخلاقهن دانياتي
ماهمهن في الناس زين ولاشين …….وقلوبهن من حقدهن مظلماتي
وقالتي وربك لو يكونا ملايين …………ما غيرن بالطباعهن من سماتي
تحسبين انك بالمهافه ترقين ………..كيف الصعود يكون للهـــــــاوياتـي
سمعي عسى من بعدها ماتسمعين …سمعي دعا من صار قلبه حصاتي
يالله عسى كف الندامه تعضين ……..تندمين يوم انه يفوت الفواتي
عسى ماتلاقي منله القلب تهدين …وان هو حصل ادعي عساك الشتاتي
ي***ت قلبي وين مثله تلاقين ……قلب عطاك الحب ماقال هاتي
بيني وبينك تحكم ايام وسنين …..وانا شاهدي قلبا من الغدر ماتي
*****************
حاولي بتحريك المشاعر بتلك الابيات المختاره (لااعرف صاحبها) يمكن يرجع العهد مثل ماكان واحسن ,,,
والله يكفينا الشر
بس تبين الصراحه انا مريت بهالموقف بصراحه نفس شي خاين العشره او الع** بس ما كان عندي دليل بس كنت متأكده انهم خونه . بس وايد حاولت اخليهم يعترفةن بس ماقدرت اخر شي قررت ماشي غير اني اقهرهم يلست اقهرهم وعطيهم رمسة قويه ليش ما قالو هيه انا اللي مسوي كذا……. بسبت كذا……….
بس عقب ما اعترف بغلطته خلاص خليتهم بحالهم