اشحالكم
قلة ادب!! وياكثر قلات الادب!!
قلة ادب!! وياكثر قلات الادب!!!!!
شحالكم؟؟ لا تزيغون من العنوان انتو إقروا الموضوع .
يمكن يعجبكم … من يدري ؟؟..
قــــــــــــــــــــلـــــــــــــــة أدب !!!
إنك تروح للمسجد بملابس رياضة أو قميص نوم بينما تروح لربعك بثوب مكوي وطيب يشق الخشم !!!
قــــــــــــــــــــلـــــــــــــــة أدب !!!
إنك تتصل على ربعك كل يوم وعادي تيلس وياهم نصف ساعة أو أكثر بس عمك أوخالك أو عمتك أو خالتك لهم شهور ماسمعوا صوتك !!! من زينك أنت وصوتك
قــــــــــــــــــــلـــــــــــــــة أدب !!!
تحوط بسيارتك بالساعات وماتخلي شارع ما ( شبرته ) وحفظته وكل هالدوران غالبا لأسباب ( قليلة أدب ) بينما أهلك لويبون مشوار ساعة وحدة قلت .. بعدين بعدين..
قــــــــــــــــــــلـــــــــــــــة أدب !!!
إن شيريهان تسوي عملية والجرايد والقنوات تسوي مناحة بينما اطفال العراق يتقطعون ونص العالم مب مهتم
قــــــــــــــــــــلـــــــــــــــة أدب !!!
إن اللاعبين والمطربين يكرمون ويغرقون بالخيرات بينما الفقراء متعدبين
قــــــــــــــــــــلـــــــــــــــة أدب !!!
إن الواحد يضبط ساعته على الدوام بينما صلاة الفجر مايدري متى وقت أذانها !!! .. الله يهديك بس..
قــــــــــــــــــــلـــــــــــــــة أدب !!!
إن الواحد يشتري الأغاني بالشيء الفلاني ويسمعها بينما مستحيل يشتري شريط إسلامي ولو بخمس دراهم.. ولو يهديه واحد شريط إسلامي سجل عليه ( بابا فين ) !!! . الليه يستر على الناس..
قــــــــــــــــــــلـــــــــــــــة أدب !!!
ان الوحده تيلسد على التلفون ساعه وتيلس في صلاتها دقيقه
قــــــــــــــــــــلـــــــــــــــة أدب !!!
اذاطلعت البنت من البيت وهي كاشخه وريحة عطرها واصله اخر الشارع وتقول للشباب لا تلحقوني ..لووول..
قــــــــــــــــــــلـــــــــــــــة أدب !!!
إن الواحد يشوف ( قلة الأدب ) ولايقول عنها ( قلة أدب ) !!! ..صدق قلة ادب هالمره..
قــــــــــــــــــــلـــــــــــــة أدب !!!
قلة ادب انك تحصل واحد يحترم الناس كلها الا امه او ابوه تلقاه يكلمهم بطرف خشمه
قــــــــــــــــــــلـــــــــــــة أدب !!!
قلة ادب انك تشتري كل اللي نفسك فيه ويوم يجي طاري الحج او العمره قلت انا ما عندي فلوس وانا غير مقتدر ..يا حسره
قـــــــــــــــــــلــــــــــــــة أدب !!!
قلة ادب انك تكون يالس في المدرج وتسمع الاذان ومن بعدها الاقامه وانت مكانك وكأنك مثبت بمليون مسمار على كرسييك
قـــــــــــــــــــلــــــــــــــة أدب !!!
لماتشوف واحد في الشارع وتستصغره ولا تسلم عليها
قـــــــــــــــــــلــــــــــــــة أدب !!!
اذا شفت صديقك في ورطه ولاتساعده
قـــــــــــــــــــلــــــــــــــة أدب !!!
اذا قدم لك صديقك خدمه وأنكرت فضله عليك
قــــــــــــــــــــلـــــــــــــــة أدب !!!
انك تحط سيارتك عند باب جارك ..وعندك مكان ابعد شوي..
قــــــــــــــــــــلـــــــــــــــة أدب !!!
لما تجلس بمكان عام تتقهوى انت وعيالك..وتقومون و**ايلكم وراكم..
مع ان صندوق ال**اله حولك…
قــــــــــــــــــــلـــــــــــــــة أدب !!!
انك تكون مسئول عن عمل يتوقف اداؤه عليك..وتطنش وتتأخر
ويتحمل الباقين مسئولية اهمالهم
قــــــــــــــــــــلـــــــــــــــة أدب !!!
انك تطولي لسانك على الشغاله..وهي بسن امك..عشان شغله ممكن تسويها بنفسك((ليس منا من لم يوقر كبيرنا))
قــــــــــــــــــــلـــــــــــــــة أدب !!!
لما ترفعي صوتك بالسيارة ومع السواق وتضحكين وتقهقهين ..وكأنه محرم لكِ
قــــــــــــــــــــلـــــــــــــــة أدب !!!
لما تعزمين صديقاتك وتخلين الوالده تسوي قهوتكم وتجيبها لكم..وتسوي عشاكم ..وانتي مشغوله بالسوالف
قــــــــــــــــــــلـــــــــــــــة أدب !!!
لما ترفضين شريط اسلامي او كتيب من احد الدعاة..بينما لو اعطاك شريط لمطرب العرب كان ماتدرين شوووو تشكرينه
قــــــــــــــــــــلـــــــــــــــة أدب !!!
انك متعلم وحاصل على شهاداة عاليا..وماتفقه اقل شي في دينك
قــــــــــــــــــــلـــــــــــــــة أدب !!!
أنه مانشوف القرآن إلا من الجمعه للجمعة عشان الكهف .. للأسف الشديد..
وتحياااتي لكم
=================