شو السالفه!!!!!!! يا أعضاء الاماره العجائب والغرائب 2024.

سلااااااااام

لاحظت خلال الايام اللي طافت كثرت التعليقات من قبل الاعضاء لبعضهم البعض… شباب ما يصير هذي الاماره مب للقرض والتعليق والسخريه…. وين عايشين…. كل ما دشيت الاماره اشوف واحد حاط صوره ويقول هذا الاطفائي وهذي الساحره و و و و و… بسكم من هالسوالف:mad:

الاماره هذي للقصص والمواضيع المفيده والغريبه والشيقه وما يصير كل من هب ودب يحط موضوع للسخريه أو للتعليق:confused:

اطفائي سألتني مره عن سبب اختفاءك بقولك ليش.. اولا بسبب الدراسه وثاني شي للأسف بسبب الاماره:( صراحه لا مواضيع زينه والاعضاء في اختفاء دائم والمشرف ما ادري وينه:confused: … وهذا هو اللي ما شجعني للاستمرار وتحولي الى اماره الرياضه وقضايا الساعه

اسمحولي على صراحتي بس على من 🙁
والسموووووووووحه

اخوكم بو سلطان

معاك حق أخوي بوسلطان

في الايام الاخيره كثرة التعليقات ونسوا ان هالاماراه حق المواضيع الغريبه والمفيده

والسبب في ذلك انا ما شفت لامراقب ولا مشرف

انا معاكم وعن نفسي من هاللحظه ماراح احط صوره واقول هذا اطفائي

لاني عن نفسي لقيت الامر زاد عن حده والي يزيد عن حده ينقلب ضده

البدايه كانت مجرد مزح بس قد ينقلب الى جد بفعل الشيطان

:p

وشكرا أخوي على موقفك الرائع

🙁 يا حسافه
ليش تتحسف بو سلطان
اتحسف على اللي استوى…. تصدقين قبل ما اشترك في هذا المنتدى كانوا الشباب يحطون مواضيع كثيره وشيقه مب الحين ادش اشوف موضوعين ولا ثلاث بس.. ولا عدد الاعضاء الموجودين ما يزيد عن 5 ولا 6 !!!!! والله غريبه!!!!
هلا وغلا بوسلطان معك حق
واتمنى من الشباب يحطون مواضيع هادفه بالدرجه الاولى
شو بتقول يا اخوي

الصراحه عيب اللي يستوي

المنتدى له مكانته واحترامه بس في بعض الاعضاء من الجنسين قلبوها منتدى للتشاتنج والتعارف مع ان في امارة متخصصه لها الشي يسوون اللي يسوونه فيها بس الظاهر حبوا يقتحمون كل الاماكن وكل الامارات دون مراعاة

كان المنتدى لهم هم فقط

بس انشاء الله المشرفين ما راح يسكتون عن هالشي

انا وياكم ان الموضوع زاد عن حده وانا عن نفسي مابحط تعليقات ولا صور بس بصراحه يا اخ حمدان تعليقك شوي كان قاسي اولا اللي كنا نسويه لو فيه شيء غلط كان انمسح و انشال من لاماره واعتقد انااحنا ما مسينا الاماره باي شيء ولا فقدناهااحترامها واللي يبي يحط موضوع يحط واللي يبي يقرا بيقرا اللي يبيه ثانيا الشخص هو اللي يختار انه يقرا الموضوع يعني اللي كانوا يقرون التعليقات كانوا يدشو بارادتهم صح ولا وثانيا مافي اقتحام لانا لو تلاحظ اكثر الماركين في هاي الاماره ويحطون مواضيع الاعضاء اللي انت تكلم عنهم انا عاتبه عليك بس بس ماقصد اي شيء من كلامي غير التوضيح…………… اخيرا اشكرك يا اخ ابوسلطان على ها ي النقطه وانشاء الباقي بيتقيدون فيها ط®ظ„ظٹط¬ظٹط© ط®ظ„ظٹط¬ظٹط© ط®ظ„ظٹط¬ظٹط©
بو سلطان : انا معاك فى اللى قلته بس شوتبغينا نسوى المواضيع اللى يحطونها الاعضاء تكون معروضه اكثر من مره واحنا فى هذى الاماره مانتعدى اكثر من سبعة اشخاص موجودين بشكل مستمر والباقين يدخلون يوم ويغيبون شهر والطريقه اللى قاعدين نستخدمها فى مثل هذى السوالف اعتبرها دعايه لجلب الاعضاء االى هذه الاماره التى اعتبرها الاماره المظلومه فى هذا المنتدى ز

صدى الاحزان :وانتى من متى موجوده فى هذا المنتدى وشو المشاركات اللى شاركتى فيها لانى اول مره اشوف هذا الاسم فى هذى الاماره.

hamdan:بصراحه اسلوبك فى الرد اسلوب وااااحد جاهل وحضرتك قاعد تقول اللى قاعد يستوى عيب ليج شوشفتنا نسوى قاعدين نسب بعض ولا قاعدين ننزل صور مخله بالآداب وقاعد تقول كأن المنتدى لهم اوكى انامعاك انو احنا مانملك هذا المنتدى بنخلى لك المنتدى اشبع فيه على راحتك وماشاءالله مواضيعك تارسه الاماره بس راح أقولك شى السكوت عن السفيه صدقه .

الساحره :كلامج صح مئه بالمئه .

وفى النهايه اذا تبغونا نشارك فى هاى الاماره ابحثوا عن اعضاء جدد وبكثره ومواصيع جديده غير معاااده واخيرا أقولكم مع السلامه .

ياحمدان
اعضاء الاماراه محترمين وعتقد ان التعبير خانك في كلماتك
ومثل ما قالت الساحره لو في شي غلط جان انشطب لا تعق
كلام
معاك حق أخوي بوسلطان بس قصدنا من هذا كله أن نسوي جو مضحك ترى الوااحد يمل إذا يشوف المواضيع معيوده..وفالك طيب أخوي بوسلطان..

حمدان..
نحنا في منتدى إمارة الغرائب والعجائب مب في منتدى تعليم أسلوب الخطاب مع الغير..لوسمحت إذا عندك شئ مفيد أو نصيحه للأعضاء تبغي تقولها تفضل والكل لهم آذان صاغيه لك وإذا تشوف عمرك ماتعرف تتكلم شوف المواضيع وانت ساكت لأن أعضاء المنتدى ماتعودوا أنهم يتعرفون على واااحد غير محترم..

صدى الأحزان..
يوم شفتي الموضوع يمكن يتحول لمشكله والسبب شراره اللي أنتي هي دخلتي وشاركتي فيه بس المواضيع الثانيه ما شفناج تشاركين فيها..نااااس ماتحب إلا الفتن..

الساحرة..
1000000 بال 1000000

نرجع وتكرر أسفنا مرة ثانيه وحقك علينا…

تحيااااتي

بوميثاء

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top