اخواني و خواتي …
هذا حوار كان بيني و بين وحدة من (بنوتاتي) >> تلميذاتي عن يسير تفكيركم لبعيد …
و من هني البداية 
طبعاً من خلال وجودي في المدرسة لازم أشوف عقليات و شخصيات من مختلف طبقات المجتمع … و كل وحدة فيهن تمثل البيئة اللي يت نها … و أعرض لكم موقفين ويا طالباتي … و اترك لكم التعليق …
الموقف الأول …
كنت يالسة اشتغل في المختبر و يالسة أجّـهز شي اهديه للمدرسات و البنات يلسن يساعدوني … و باجي البنات يلسن يلعبن على الكمبيوترات اللي في المختبر … و سألتني وحدة من البنات سؤال غريب (( معلمة انتي تشوفين ابوج ؟؟ ))
قلت لها: الحمد لله أصلاً لو ما شفته الصبح و ما رمسته ما احس عمري طبيعية و لازم ادق له الصبح أطمنه عليه لما اوصل الشغل 
الحمد لله … بيني و بينكم لو ما سويت هالأشياء كل يوم الصبح ما أحس عمري طبيعية و طبعاً نفس الشي للوالدة الله يحفظهم لي … المهم هي بدت ترمس و طبعاً هذي فرصة أعرف شو اللي فخاطرها 
و بدت ترمس البنوتة الصغيرة و انا أسمعها …
تقول : معلمة انا ما أشوف ابويه … لأنه هو عند يدتي و لما نسير بيت يدتي يكون هو سار بوظبي و عسب جذيه استوت مدة ما شفته فيها … المهم تقول لي: ملعلمة احنا لما نسير نزور اهلنا اللي في الخور نخلّي شغالتنا في البيت بروحها ,,, و اكتشفنا أنها تأجر حجر البيت لرياييل من برع البيت … و لكم تتخيلون اللي يستوي عقبها و هي وياهم في البيت 
بإسم الله عليه لما كنت فنفس عمرها ما كنت افهم على نياااااتي … عيال هالزمن يفهمون اكثر عنا احنا الكبار … كملت تقول … الشغالة مرة شرّبتني خمر … عاد انا ما اعرف اسكت … بطلت عيوني على آخرها : هاه شو خمر … اعوووووذ بالله 
… بعدين خبرتني هي اكتشفت ان الشغالة قصت عليها و هي حليلها ما تدري هذا خمر … المهم سوّوا لها كمين … أهلها ساروا الخور و هي تمت فبيت يدتها و حطوا بالهم على الشغالة (شغالتهم) … و بدت اللقاءات الرومانسية … طبعاً الشغالة بروحها في البيت و أجّرت الحجر على الرياييل و بدت الشغالة شغلها ويا ضيوفها 
و البنت محطية بالها على الشغالة … و خبرت يدتها طبعاً … و سارت حطت لها مخدرفي الأكل (دوا يرجّد) عطوها اياه لما كانت البنت مريضة و شربته الشغالة و رااااااااحت فيها … و سارت البنت و قفلت عليها الحجرة بالمفتاح و اتصلوا بالشرطة 
… و رااااااااااحت فيها الشغالة على قولتهم (( شنيوب غرق يّمل ))
و سجنوها و بعدين سفروها … للي ما يعرفون
الشنيوب = نوع صغير من سرطان البحر
اليمل = الجمل (( سفينة الصحراء))
يتبع الجزء الثاني …
بقلم أختكم ,,,
ورد الجــــوري 
الله لا يبارك فيها أبداً ,,, رشربت البنت الصغيرة خمر ,,,
الظاهر انك من المدرسات اللاتي يرتاح لهن القلب ففتحت لك هذه الطالبة قلبها ,,
هذا ما آلت اليه حال الكثير من العوائل ,, وبسبب العمالة الوافدة الأسيوية طبعاً ,,
لا اعرف ماذا تنتظر الاسر ,, ان يقع الفاس في الرأس حتى تتصرف وتبعد هذا الوحش الذي احتضنته في دارها واشبعته مالاً وأكلاً بيد انه لا يؤثر فيه ويغتن الفرصة ليهتك عرض هذه الأسرة ,,
سبحانك ربي ,, اللهم ارحمنا واستر على عوراتنا ,,
ورد الجوري ,,
استمري اختي الكريمة على ماانتي عليه لتصلي لقلوب هذه الفئة وتقربيها للعبادة ,,
جزاك الله خيراً على الموضوع وبارك الله فيك ,, ( ننتظر الجزء الثاني من قلمك المبدع ) ,,
اخوك ,, الصقر ,,
العلاقات الأسرية جدا ضعيفة ،، والروابط وللأسف تضعف يوما بعد يوم،،
وعلى الأسرة أن تهتم بأبنائها بشكل جدي أكثر ،، لكي لا يندمو بعده ،،
والعمالة الوافدة ومشاكلهم حدث ولا حرج ،، وما عسانا نقول ،،
ما أكثر الدمار الذي يسببونه سواء للأطفال أو الشباب أو كبار السن ،،
نسأل الله السلامة ،،
موضوع رائع أختي ورد الجوري ،، وفقك الله لما يحب ويرضى وأثابك خير الجزاء،،
ننتظر منك الجزء الثاني ،،
قبل سنتين كنت ادرس صف ثاني والبنات يحلن التدريبات وانا اصحح الدفاتر يت بنية وقالت بكل براءة معلمة امي تزوجت ونحن سرنا العرس انا بطلت عيوني وقلت لها شو …خبرتني السالفة والله اني ما اقدر اقولها من كثر ما هي ماساوية لكن تصوري براءة البنية وهي تقول التفاصيل بكل عفوية
عندي وحدة ثانية هاي الله يسلمج مشخلة البيت :
عموة كل يوم تصيح لان حمود ف السجن
شغالتنا اليوم كانت تغسل عند الباب وتزحلجت وطاحت على ……………. وتعورت
تعرفين كيف كانت امي ترقص في العرس
ريل خالتي دايما ينازعها
هذا اللي تذكرته من المواقف اللي مرت علي لكن اللي اقدر اقوله ان الاطفال وعفويتهم ما في شي يعوضها
بس عفوية الصغاااار شي عجيب اسميهم ما يخلون شي في البيت
الا ويقولونه .. سوالفهم حت ى ولو كانت مأساوية بالنسبة لنا هم مب
حاسين فيها بسبب صغر سنهم وبرآتهم
مشكوووووووووورة الغالية على الموضوع
لأ لأ ما يصحش كده
ايه اللي انا سامعوه ده
إيه اللي انا شايفوه ده
إيه قرى إيه
دووول مش بنوتات دووول مقرمين
انا اللي اكبر عنهم مش ممكن اعمل اللي عملووه
لأه لأه مش أدره استوعب الكلام ده :/
المشاركة الأصلية كتبت بواسطة الصقر الإماراتي الله لا يبارك فيها أبداً ,,, رشربت البنت الصغيرة خمر ,,,
الظاهر انك من المدرسات اللاتي يرتاح لهن القلب ففتحت لك هذه الطالبة قلبها ,,
هذا ما آلت اليه حال الكثير من العوائل ,, وبسبب العمالة الوافدة الأسيوية طبعاً ,,
لا اعرف ماذا تنتظر الاسر ,, ان يقع الفاس في الرأس حتى تتصرف وتبعد هذا الوحش الذي احتضنته في دارها واشبعته مالاً وأكلاً بيد انه لا يؤثر فيه ويغتن الفرصة ليهتك عرض هذه الأسرة ,,
سبحانك ربي ,, اللهم ارحمنا واستر على عوراتنا ,,
ورد الجوري ,,
استمري اختي الكريمة على ماانتي عليه لتصلي لقلوب هذه الفئة وتقربيها للعبادة ,,
جزاك الله خيراً على الموضوع وبارك الله فيك ,, ( ننتظر الجزء الثاني من قلمك المبدع ) ,,
اخوك ,, الصقر ,,
الله يعينا على سوالف العمالة الوافدة … سوالفهم تعور الراس و اتيب الهم …
عني الحمد لله البنات يحبوني و يحبون المادة … و يفتحون لي قلوبهم … الله يعينا على أداء الرسالة التعليمية …
و يزاك الله خير و بارك الله فيك
عفانا الله هالخدم مالهم أمان أبدًا وكل يوم والثاني ننصدم من اللي نسمعه
والعتب على الأهل بعد
يعني البشكاره اذا عطوها الخيط والمخيط شو بقى بعد
ودايمًا الأطفال هم الضحيه
الله المستعان
يعطيج العافيه عزيزتي ورد الجوري
صح ان الاطفال عفويين .. بس بعد خيالهم واسع .. مادري ؟؟؟ ساعات احس انهم وايد يبالغون … ماقدر اصدق كل شي يقولونه .
بإسم الله عليه لما كنت فنفس عمرها ما كنت افهم على نياااااتي
يحليلج ياورد .. هالجيل الحين مستعد يدرسج .. تلقينهم يعرفون اشياء احنا لي الحين مانعرفها
والله ذكرتيني بموقف خبرتني اياه اختي يوم كانت تدرس 3 ابتدائي .. كان مطلوب منهم يكتبون اهدافهم للمستقبل .. جان وحدة تكتب هدفها " تتزوج ولد حلو "
بيني و بينكم لو ما سويت هالأشياء كل يوم الصبح ما أحس عمري طبيعية و طبعاً نفس الشي للوالدة الله يحفظهم لي
الله يخليهم لج ويخليج لهم ان شاء الله
أولا جزاك الله خيرا على حبج للطالبات واقبالهم عليج
والمناقشة معاهم
والله يجيرنا من ها الموج الزاحف نحونا " الخدامات رجال ونساء "
الله يعافينا واياكم
هذه البنت أنقذت سمعت بيت كامل
الله يحفظها ويخليها لأهلها
ومافيها شي لو خذوها وياهم لان من رمسة البنية مبين انهم
تموا في بيت اهلهم اكثر من يوم مب ساعة والا هنتين
يعني اقل شي ياخذونها وياهم حتى لاتلعب بذيلها
وفي انتظار الجزء الثاني اختي ورد الجوري
المشاركة الاصلية بواسطة ريما
دووول مش بنوتات دووول مقرمين
انا اللي اكبر عنهم مش ممكن اعمل اللي عملووه
لأه لأه مش أدره استوعب الكلام ده :/
اليهال ماسووا شي الشغالة اللي سوت
ريموه الظاهر كنتي مسطلة وانتي تكتبين