من ايام وانا افكر افتح هذا الموضوع.. واكتب عنه… لكن بصراحة الخجل كان يمنعني.. وحزني على بنات الامارات
بعد ما كان يضرب فينا المثل.. في الاحتشام والخجل… والدين والعفة والاخلاق
الان؟؟؟؟
اصبح الجميع يتحدث عن المهزلة التي تحدث على ايدي بنات الامارات
وللاسف!!!!1
في الاسبوع الماضي.. وما ادري اذا سمعتوا عن الاحداث الاخيرة التي حصلت في كلية التقنية لللبنات… دبي
Business Fair
وما ادراك ما البزنز فير
في كل سنة.. على بنات تخصص البزنز.. التجارة.. عمل مشروع معين .. صغير.. وهدف هذا المشروع هو تعليم البنات على فتح اي تجارة.. تعود عليهم بالنفع والربح
وهذا الشيء جميل
لكن… ماذا حدث في هذا الاسبوع
بعض البنات… المحترمات.. كانت مشاريعهم ممتازة… بيع الاكل.. مطاعم.. دخون… عطور.. ملابس… ا**سوارات.. واشياء اخرى
وبعض البنات…… اللي ما يعيبهم العجب
فتحوا مشروع كبير… وهو عبارة عن كابريه… او مرقص
وللاسف… ثلاث مجموعات .. فتحوا نفس المشروع.. يعني ثلاث مراقص
بحيث يتجمعون البنات في احدى الخيم… وعلى اصوات الموسيقى… سواء عربية.. اجنبية.. هندية.. او (ام علاية)) ترقص الطالبات
والربح اما ان يكون عن طريق التنقيط… على الرقاصات… او بدفع النقود قبل الدخول.. لمشاهدة الرقص الفضيع
هذا كله يحدث في كلياتنا… وعلى علم من الادارة… التي فيها الكثير من المواطنات الاداريات… ومحد معترض.. بالع** مشجعين هالشيء
احيانا افكر.. بعد سنة او سنتين.. عشر.. كيف بيكون حال البنات!!!1
الله المستعان
الرجاء المشاركة بتعليقكم….. او ذكر مواقف اخرى مريرة من واقعنا
ـــــــــــــــــــــــــــــــــــــــــــــــــــــــ
منقول من منتدى اخر
هذا الموقف شيء بسيط من اللذي يحدث بجامعتنا اليوم وماخفي اعظم….
بصراحة لادري الى اين يريدون ان يصلوا …… 🙁
انا مستغرب منهم وقت ما يفنشون اي طالبه مجرد انها متأخره كم مره او انها غابت بدون عذر او لاسباب تـافهه
واذكر مره قال لي ربيعي بانه وزعوا اوراق على الطالبات بخصوص وفد ياي من امريكا والاوراق كانت بخصوص استقبالهم في المطار و مرافقتهم الي الفنادق
شوه اللي باقي ؟؟؟؟
والطالبات شوه الهم خص في الوفود اللي يايه من الخارج وين المسؤولين ؟؟؟
طبعاً يا وفود شوفي بنات الدوله غير
الله يستر علينا يا رب
بس انا في شيء ثاني مستغرب ومتضايق منه واايد….:confused:
هو ان بعض البنات اول مايدخلون الجامعة او الكليه يفرون العباية على طول عند اول طاولة ، ويحطون لك الشيلة من نوعية الكشف اللي تطلع وتنزل ( مثل المرسيدس الكشف)…وتلاحظ المياعة في الكلام مع الدكاترة………كان الدكاترة والمدرسين اللي عندهم موب ريايل
وهذا الشيء نشوفه يوميا في الاسواق بالذات عند الخياطين تحصلها تضحك وتتكلم بمياعة نقص عشر ،او زيد خمس …..الخ
واول مايدخل رجل مواطن او عربي المهم لابس كندورة على طول تحصل الدنيا انقلبت غير شكل ………كأن العامل الاسيوي اللي كانت تكلمه موب ريال …وهذا الشيء ايضا يحدث في كثير من البيوت مع الدريول او الطباخ …الخ :confused:
هذا شو معناه ؟ معناه انهم يلبسون العباية فقط عشان العادات والتقاليد مو خوفا من ربهم ……..وانا في رايي اذا هذا هو سبب لبسهم للعباية الافضل انهم مايلبسونها 🙁 🙁
انا كلامي هذا موجه الى فئة بسيطة فقط في المجتمع بس هذي الفئة كل يوم تزيد اكثر واكثر :confused:
مانقول غير اللهم سترك :rolleyes:
للأسف ياخويه هذا اللي حاصل في هذا الزمن طبعا هب كلهم البعض منهم…أنا سافرت السنه اللي طافت وشفت البلاوي من بنات الإمارات حتى ياخويه اني استحيت اني اتم في هاي البلاد ماتميت غير يومين بس من كثر ما أشوف هاي البلاوي…والله يستر علينا وعلى جميع المسلمين…
اللهم استر علينا وعلى اخواتنا وبناتنا يا رب العالمين ….
أخوكم .. مراسلكم من الجامعه .. رومانسي
يا شباب ما تعرفون كيف منقهر ان من هالسوالف 🙁
انا سمعت العن من هالسالفة …. سوالف يا ريال
ما اقول الا الله يعينهن و يحفظهن
وسلامتكم 🙁
مرحبا ولد بوظبي….تعرف بشو ذكرتني…ذكرتني بسالفة سارت مع صديقي الصيف الماضي هي تضحك بس بعد تبكي في نفس الوقت …..
حيث انه كان قادم من احدى الدول الاوربية وكانت الرحلة ترانزيت عن طريق تركيا حيث انتظر ثلاث ساعات في مطار تركيا
وهو جالس في قاعة الانتظار …كان موجودين معاه في نفس القاعة عائلة اماراتية مكونة من ام مع ثلاث من بناتها واخوهم الصغير….وهم كانوا يحسبون صديقي شخص اجنبي او تركي..
وكان اخوهم الصغير يلعب بالكورة وهم وكل شوي ينادونه تعال عبود ….عبود لاتروح بعيد…وعبود وعبود.الخ
وفجاة شات اخوهم الصغير عبود الكورة وراحت الكورة لين عند ربيعي ………فربيعي طلع من صمته وقال (مرحبا عبود ، تعال شيل الكورة)……وبعدها عينك لاتشوف الا النور
الام على طول سوت حالت استنفار …..وتصارخ في البنات تغطوا تغطو ريايل
والله مهزلة ………….مادري كيف تغطو ا وهم لابسين جنزات
ماعلينا………مانقول غير الله يحفظنا بس:rolleyes: 😉
ما لنا ويه نتكلم ….
الناس تجري جري خلف الفلوس وترمي فلذات اكبادها في المستنقعات النتنة ….
من سنة تقريبا كنت في مستشفى ( ) المهم كنت جالس انتظر دوري وعلى امتداد الممر يوجد انتظار سيدات … وطبعا كان هناك الكثير من الحريم اللي لو شفتها اتقول هذي هي بنت الاصول ( العباية – اللقفازات – ما تشوف منها اصبع ) … المهم جلست اكثر من ساعة اترقب الوضع واشوف الكثير منهن مثل ما ذكرت لك وقليل منهن تكون كاشفة خاصة ان الوقت رمضان …. وازيدك من الشعر بيت كان هناك غرفة طبيب واحد بجانب طبيبتين … فالزحمة على هذا الطبيب بشكل لا يتصور …. وتدخل الوحدة الي تحسبها اتقى وحده ولما تدخل تكشف عن جسمها وزينتها … والله يستر …. مع ان الموضوع ما يزيد عن كحة والا التهاب في الصدر يعني ليس بذاك الشي اللي يجوز انها تضطر للدخول على الطبيب لوجود الطبيبات ..
الواحد ماله الا يصلح نفسه واهله ومن يعول .
الي صار في كليتنا و الله اكثر من مهزله شو بزنس فير في الرقص ليش الوحده بعدين بتشتغل رقاصه
و الله ها الشي ما يجوز
و على فكره اكثر الي سون مشاكل هن من بنات المدارس الي يو زياره
و كان رقصهم (استغفر الله) اخس من رقص ال……
و اللي يزيد الطين بله انهم كانو مسوين تذاكر دخول بعد
و كله كوم واللي سوه بنات الكباريه كوم
كانو يطردون اي بنت ما تعجبهم من الصندقه الي مسوينها
لا و عازمين ديانا حداد على شو لا جمال و لا دلال
الله يعين من الياي:eek:
والسموحة
🙁 🙁 🙁
في اعتقادي الحل هو السبب نفسه
منوه اللي سامح بهذي السوالف تصير في كلية التقنيه هو السبب
المسؤولين،،،،، وبالخص المسؤول لكبير عن كلية التقنيه
الحين قولوا لي الطالبات شوه الهن خص في وزير الثقافه والاعلام لبريطاني ؟؟؟؟؟!!!!!!!
اول ما يا الدوله شلوه كلية التقنيه عشان يعرضون له كم من طالبه
الضياع من المسوؤلين بضبط
شوفوا كم مره المسؤول يزور كلية الطالبات في الاسبوع بضبط بعدد المرات اللي يزور فيها كلية الطلاب بس في مدة شهرين او اربع اشهر
يا رب استر علينا