انته القاضي ممكن تحكم بينهم 2024.

في موضوع انكتب في المنتدى هنية قبل فتره حبيت اتكلم عنه

الموضوع : كان عن واحد تزوج الخدامه مالتهم وكل الردود ما قصرت

شرشحت الريال على الاخر وحبيت تحكمون في نفس السالفه

بس من وجهة نظر كل واحد من الزوجين يعني تخيلوا :

تقول الزوجة :

– عقب كل هل السنين راح وتزوج الخدامه……..

ليش سوى جيه ونسى العشرة اللي بينا……

كيف نسى اولادنا الثلاثة ما فكر فيهم………

واصلا شو عيبة في الخدامه وانا احلى عنها في كل شئ

عيونها ما فيها حلاة ضيجه لو تزوج مواطنه كان اخف علي بس خدامه

وين الحب اللي كان قبل الزواج كيف نساة بهل السهوله

كل الرياييل خونه مثل هل الريال….

==============================

الحين نسمع الزوج

يقول الزوج :

– تحسبني بتحملها واصبر عليها كل هل السنين

ما يكفي انها ما عادت تهتم بشكلها وغدت متينة وايد.

ما عندها الا الاكل ومطالعة التلفزيون والله حاله

ليش تلومني اني تزوجت الخدامه عجيب والله

يوم ارجع من الدوام تعبان منو يقولي جان ابغي غدى ولا ما ابغي

الخدامه تستقبلني عند الباب وتقولي تبغي غدى احطلك الحين

وحضرتها منسدحه تطالع التلفزيون ولا همها فيني

ويوم ابغي اطلع منو يكويلي الكندوره اكيد الخدامه ولا هيه اصلا

ما تعرف وين كندورتي اصلا

ويوم ابغي اشوف الاولاد واسالها وين العيال يا فلانه

تقول ما ادري اسال عنهم الخدامه

ويوم اسيرلها القاها تلعب وياهم وتضحكهم

يعني الخدامه هي اللي تهتم بأكلي وكندورتي وعيالي

شو باقي اكيد بتزوجها واخلي هاذيج العلة

اللي ما فيها فايدة ولا انتوا شو رايكم انا غلطان صدق…….

:confused:

مجرد وجهة نظر

بس الغلط منه هو اكثر من الحرمه لانه ما نبهها:rolleyes: واصلا الرياييل يدورون سبب وين اذا ياهم ع الراحات 😀 لا تحطون عليه قصدي بعض الرياييل 😀

الحرمه اللي اتحب ريلها بتسوي كل اللي يريحه ..

مب بطنشه وبتخلي الخدامه اتسويله اللي يبغيه ..

وبعدين الريال ..ليش يتزوج ..مب عسب يحصل اللي ادور على راحته ..

الاكل والخدامه اتحطه له ..والكندوره وتكويها له ..والعيال واتلعبهم ..شو يبغي اكثر عن جذي ..

المشكله ان الريال اذا ياب للحرمه خدامه عسب اتساعدها ..اتخلي الشغل كل عليها ..وهي تيلس شرات الاميره ..و تبغي كل شي جاهز مجهز ..

والسمووووووووحه ع الاطاله

ليش الزوج ما يقعد مع الحرمه ويناقشها

وحتى ولو فكر يتزوج يتزوج وحده واثق منها ويفكر مليون مره .انا راح اقول لكم ليش

هذه اولاً خادمه الله يعلم من أي **الة يايه اكيد **اله لانها لو ما متحتاجه جان ما يت من بلادها واشتغلت خدامه

وثانياً الله يعلم وش الامراض الي فيه يما ناااااااااااااااس ابتلشو بالايدز وهال***بيط

وثالثاً هذه واحد اعيونه اطويله خلصوا الحريم ما اقول الا قدره خدامه

بغيت انوه عن نقطه منتشره الزوج والزوجه كل واحد منهم بوادي كلهما يخونان بعض الزوجه اتكلم والزوج ايضاُ يكلم

بقول لكم قصه سمعتها من شريط

في واحد كان متزوج دايم يروح مع ربعه للعب كره ف في يوم قال لواحد من ربعه انا مو ياي اليوم معاكم اليوم انا امحصل لي صيده

المهم راحو ربعه ولعبو احذال بنايه فربيعه جاف سيارة زوجة ارفيجهم الي اليوم عنده موعد واقفه عند البنايه تعرفون شو طلع

الزوجه امواعده من صوب والزوج امواعد من الصوب انا لله

فسسسسسسق والعياذ بالله فسسسسسسق

وين الدين هذه ضعف الايمان

لو كل زوج وكل زوجه اقتدوا بالله ورسوله

جان ما صار الي يصير

وأسأل الله ان يهدي الجميع