ليت عيني
ليت عيني تنظرك في كل يوم تستنير بشوف خدك من ضياك
القمر حتى القمر عندك يقوم
كيف لو بينت له اكثر حلاك
شفت غيد و شفت غزلان و ريوم
مثل زينك لا حشا ما حد سواك
مسكنك في العين و مشيد خيوم
في سويد القلب يا ماكثر غلاك
بين أهلك رافع الراس محشوم
آمن اللي طاح في شده و عزاك
انت له ذخر و فخر عند اللزوم
ماخذ العادات من جدك و اباك
القروم اللي لهم عز الرسوم
بالعوايد ماسكين كفة رحاك
لو وصفتك .. القلم لا مايروم
انت فوق الوصف عدى مستواك
نديم العين
و كان رد الشاعرة مطلع الشمس
الشمس
الشمس غير الكواكب و النجوم
من وصلها يحترق ذاق الهلاك
من تمناها على نفسة ظلوم
من حتوف الموت ما يلقى فكاك
انشدك تصحى من اضغاث الحلوم
وانتبه للي تقولة وش بلاك
شفتني في الحلم او جاتك علوم
ويش دخلني بسويداك و غلاك
ومثل ما قد قلت مع ربعي محشوم
ذا صحيح و منزلي باعلى سماك
و لي شغاميم على الشدة تروم
هجنهم و خيولهم ترهب عداك
عزنا موروث من مجد ورسوم
ماطلبنا العز من هذا و ذاك
شفتنا و تشوفنا عند اللزوم
مانهاب الموت او نخشى العراك
و الكرم فينا و عادات و سلوم
و ال**ين نقول له كل شي فداك
وفر وصوفك على نفسك و لوم
وان حلمت احلم على من مستواك
و الشمس غير الكواكب و النجوم
ومن يحاول وصلها ذاق الهلاك