من 10 دقايق وصلت الشغل
الزحمة اتخوف على طريج المدينة الجامعية
و السيد واقف وعن الضباب حدث و لا حرج
يمكن اكثر عن 10 حوادث على الطريج … الله يسلم المسلمين من كل شر
يعني وصلت الساعة 8:25 … الحمد لله منو صدق انه يظهر من الزحمة
حتى تنكر البلدية مستعيل … الواحد شو يقول حضرته يمشي على اليسد اللي على اليسار
و الكل مستعيل و اللي يرفع الضغط حتى سيارات التعليم موقفة السيد و التكاسي
وسط الزحمة مرينا على حادث و سيارة الأنجاد واقفة … يلس اخويه يطالع كان يقول : ميلودي هذا استاذي مال صف ثالث اعدادي الحمد لله مب متعور بس سيارته مدعومة
وحليله اخويه وصل متأخر شكله بيكتبونه غايب عن اول حصة … الله يعينه
الله يحميكم من كل شر
Melody
صدقك والله وايد زحمة و وايد حوادث على طريق مدينه الجامعيه
الله يحفظ الجميع ان شاء الله
وإنشاء الله يمر على خير تأخير أخوج وما ياخذ غياب
والله لايوريش حوادث على الطرق مرة ثانية….اللهم آمين…اللهم آمين
تحياتي #cat#
بس لو شفتي الزحمه اللي كانت اليوم الصبح في بوظبي
😮 #m#
من اول اشاره بعد جسر المقطع 🙁 لين جسر السعاده ## تقريبا 9 كيلو##)
انا طلعت من البيت 7 ونص ووصلت الكليه 7 و 55 دقيقه ومشوار الطريق ما يتعدى 5 كيلو(الحمدلله زين لحقت عالدوام 😮 )
يعني هالمشكله يوميا ( هالناس ما تطلع الا يوم انا اطلع من البيت .. شو نسوي الشهره مشكله :D:D)
الحمدلله على سلامة الجميع …
———
واحلى صباح لاعضاء منتدى الامارات;)
الله يسلمج الغالية
اليوم سمعت من وحدة من ربيعاتي ان 15 حادث صار على طريج المدينة الجامعية … الله يستر
الله يحفظ الجميع … اللهم آمين
تسلمين عزيزتي على الرد و التواصل
ان شاء الله ما يحاسبون اخويه على التأخير
قلت له اتصل بربعك خبرهم انك بتتأخر … لما اتصل بهم طلعوا ورانا في الزحمة 😮 #kh#
ان شاء الله محد يشوف مكروه … و الله يسلم كل المسلمين
تسلمين الغالية على الرد و التواصل
الله يسلمك و الحمد لله على سلامتك اخوي
اليوم ظهرت الساعة 7:17 دقيقة ووصلت الجامعة الساعة 8:25
تخيل كل هذا الوقت في الزحمة آخر شيء لما اخويه شافني خلاص مب رايمة اسوق قال لي خليني اسوق و انتي انزلي … من الحالة اللي كنت فيها … الحمد لله على كل حال
شو تقول الناس يظهرون وياك معجبين بك … شو نسوي لييييش تستوي مشهور يلا اتحمل النتايج :p 😎 😀