يا هلا والله فيكم
مع الاستراحة الثالثة
بس يبالها هالمرة
صراحة أكثر
1 – لماذا الواحد منا يخاف من الظلام ؟
2- ولماذا الواحد منا يخاف من الجن ؟
3- ولماذا نخاف من الكلاب؟
وبس
واذا عندكم أسئلة أخرى حطوها
واهم سؤال في هذي الاستراحة
——
لماذا بعض الناس يخافون من الحقيقة
يخافون من قول الحقيقة
لماذا ؟؟
وشكرا لكم #sun
مع أخوكم المتفائل تلقون المرح بإذن الله #lauth
موضوع حلو اخويه المتفائل نت 
1 – لماذا الواحد منا يخاف من الظلام ؟
ما أخاف … عادي بس اتضايج منه و لما امشي في الظلام اتذكر القبر و الحساب … الله يهوّن علينا و يثبتنا على دينه …
2- ولماذا الواحد منا يخاف من الجن ؟
هم ساعات يأذون و يأذون اللي يخاف منهم … هو مب خوف هو ضيج لأن اللي يمّر بتجربة مريرة غير عن اللي يسمع عنها … ما اخاف منهم >> عااااادي ( اقول لكم اللي في الحجرة مسلمين و ما يأذون بالع** ساعات ينبهونك للصلاة و غيرها و يحذرونك بس عاد بطريقتهم الخاصة شو تبون أكثر عن جذيه ؟؟)
3- ولماذا نخاف من الكلاب؟
اخاف لو عظني جلب يقطعني … اصلاً لما اشوف الجلاب ما ادري ليش اتذكر اليهود و وجه الشبه اني لما اشوف الاثنين احس بالإشمئزاز
1 – لماذا الواحد منا يخاف من الظلام ؟
2- ولماذا الواحد منا يخاف من الجن ؟
3- ولماذا نخاف من الكلاب؟
أحس إني ما أخاف من هالأشياءات .. إلا نادرا جدا .. وبعد مب خوف
بس ما أدري شو؟؟
لماذا بعض الناس يخافون من الحقيقة
يخافون من قول الحقيقة
لماذا ؟؟
يخافون من الحقيقة لأنها مُرة .. ولأنها تجرح الآخرين ..
وحفاظا على شعور هذا الآخر نضطر أحيانا أن لا نقول الحقيقة ,,
يعطيك العافية على موضوعك ونشاطك 
المشاركة الأصلية كتبت بواسطة ورد الجوري موضوع حلو اخويه المتفائل نت
أختي ورد شكرا لج على المشااركة الفعالة
وبالنسبة للسؤال الأول :-
صدقتي والله لما الواحد يشوف الظلام بتذكر القبر والقيامة – خاصة وقت النوم لما الواحد يطفي النور
_________________________________
وبالنسبة للسؤال الثاني :
معلومة يدية وصلتني منج صراااحة ( أن منهم من ينبهك للصلاة )
__________________________________
وبالنسبة للسؤال الثالث :
تشبيه صراحه بليغ ……
___________________________________
ونسيتي
تجاوبين على أهم سؤال في الاستراحة راجعي الاسئلة – بارك الله فيج
المشاركة الأصلية كتبت بواسطة الحنين
_____________________________________________________________________
هو اختي أظن انه يسمونه خوف طبيعي ما في أحد ما يخاف من هالأشياء ولكن تختلف درجات الخوف بارك الله فيج …
صدقتي أحيانا نظطر أن لا نقول الحقيقة
شكرا لج على المرور والمشاركة بارك الله فيج ونفع الله بج الأمة الاسلامية …
بصراااااااااااااااااااااحة انا اخاف من الظلااااااااااااااام اذا كنت بروحي بس اذا كان وياي حد عادي ما اخاف…..
ومستحيل اطلع في الظلااااااااااااام والله زيغة
2-ولماذا الواحد منا يخاف من الجن ؟
عاد الجن منو ما يخاف منهم بس يجيي للأنسان احساس بأن الجن متواجدين حوليه وهذا اللي يخوفني منهم ويوم يقولولي ان بعضهم غي ضار ما اصدق لان خلاص تعودت اني اخااااااف منهم
3- ولماذا نخاف من الكلاب؟
الجلااااااااااااااب نبحتهم تزيغ الواحد بس اذا كان مرباي ما ينخاف منه
والله الاسئله حلوة ونبغي المزيد من الأسئله الهادفة اخوي المتفائل نت[/B]
لان في الظلام مرات اتخيل شي يمر من جنبي
او صرصور يتمشى وجي
2- ولماذا الواحد منا يخاف من الجن ؟
احس ان شكلهم مخيف جدا .. واول ما بشوفونا بسون فينا شي
3- ولماذا نخاف من الكلاب؟
اخافها تعضني .. واخاف من كل الحيوانات لهاا السبب
مشكوووووووووووووووووووور
بقي أهم سؤال لم تجاوبي عليه …
وأنتي كذلك اختي ريم
بارك الله فيكم
الحمد لله انا من النوع الا ما يخاف من الظلام بس احيانا اوسوس وارتبش فيه
2- ولماذا الواحد منا يخاف من الجن ؟
لان الناس مب متعودين على اشكالهم وهم يفاجئونك في اماكن غريبة
ولو انت اذيته وحتى مريت عداله عادي يأخذيك او يدخلك وعقبها بتعرف كيف الخوف يكون
3- ولماذا نخاف من الكلاب؟
انا صارلي كم موقف صراحة واحس التجربة اللي مريت بها احيانا تعقدني فأخاف من الكلاب
واحيانا احس اني عرفت للكلاب اكثر فأعرف كيف اتصرف معاهم
بس آخر مرة ..ربك ستر وعرفت شو اسوي وياهم (( الله لا يرد ذاك اليوم
))
لماذا بعض الناس يخافون من الحقيقة
يخافون من قول الحقيقة
لماذا ؟؟
لأنهم يجوفون انه الحقيقة تكون مؤلمة وما تسرهم
ولو قالوا الحق ممكن يتأذون ويتضروون فيضرون للجذب
وما يدرون انه الجذب مهما كان بينكشف وبينفضحون عقبها
وتسلملي يالمتفائل على موضوعك الخطير
وكثر من هالمواضيع الفنتكة شيخ
وعساكم ع القوة
انا اخاف من الظلام لانني اتخيل ااشباح وكذا …..
واخاف من الجن لانني اتخيل اناس يمشوت في البيت وينامون على الكراسي وياكلون من المطبح
وانا لا اخاف من الكلاب لانني من صغري كان عندي *** وايد حلو بس مات
وانا لا اخاف من الحقيقة لانها على الاقل احسن من الكذب
ومشكككككككككورين على الموضوع
وأشكركي أختي حالمة على المرور والصراحة في الاجابات بارك الله فيج
وجزاكم الله كل خير