كل يوم نمر عليهم واقفين يبيعون جرايد ومجلات تحت هالشمس متحملين الحر والعذاب والعطش .. لا مظلات لا أكشاك ايلسون فيها … والله ينرحمون وي**رون الخاطر .. يوم أشوفهم يتقطع قلبي عليهم .. وبالخص يوم محد يشتري من عندهم وتشوف ذيج النظرة المن**رة اللي اف عيونهم
وين المسؤولين عن معاناتهم ؟ اشعنه ما يسوون لهم مظلات ؟ وللا مصورينهم ما يحسون ؟
انتو شو رايكم ؟
:rolleyes:
مشكوووره اختي ع الموضووووع …
اختج
ي**رون الخاطر والله اني مرات اشوف الواحد يناظرني بنظرة يقطع القلب والحمد لله اعطي الي اقدر عليه .
لازم يشوفون حل لهم ( حرااااام ) دوام 12 ساعة من الفجر لين بعد الظهر حرام والله
لقمة العيش
الحمد لله على النعمة الي نحن فيها
تسلمين جمرة غضا وياريت الموضوع ياخذ مكانه
تسلمين الغالية على الموضوع الجمييل …
وبالفعل الحين الوقت بدأ يحر واحنا مانتحمل 5 دقايق برع بدوم مكيف …
فمابالج بهالمساكين …
بس شو نقول غير الله يعينهم ….
[/c]
الله يصبرهم ويساعدهم ان شاء الله
وبالنسبه للمظلات الي أنا أشوفه ان شي مظلات
هيه مب وقفة كثر ما ارواح تروح تحت المواتر…
عالاقل يحطون لهم كم كشك سريع الفك والتركيب..اما جذه.. :rolleyes:
او حتى يحصرون بيع الجرايد بمحطات البتروول..ما شاء الله كل شبرين وتلقى محطه يمينك ويسارك..يعني الحل مب صعب ابدا..
🙁
كاتم الهم … شرات ما قلت …. والله حرام … هاذيل ممكن يموتون في هالجو 🙁
بشتختة … شفت عاد ؟ خمس دقايق ما نروم نتحملها وين عاد دوام 12 ساعة تحت الشمس ؟
أتمنى أنهم يحلون هالمشكلة بسرعة .. هاذيل أوادم شراتنا :confused:
تسلمون عالرد والتواصل 
حريجة … والله نفس شعوري بس كم بشتري ؟
أتفق وياج انه الحل مب صعب..و الأكشاك تنفع في هالحالة … واقتراحج الثاني ينفع بعد
تسلمون عالتواصل .
عشان يشوهون المنظر 😮
لو يخلون لهن كباين في اماكن محددة بتنحل مشكلتهم ..
على طريق الدوام واحد كل يوم نشوفه أول ماتطوف سيارتنا يرفع ايده ويسوي باي باي .. كان يغمضني .. قلت لازم اوقف واشتري من عنده عشان هالباي اللي سواها .. يوم وقفنا طلع ربيع الدريول 😉 :rolleyes:
رايي من رايج انتي وحريجة ..
وبالنسبة لربيع دريولكم أسميج سويتي فيه خير … حنونة أم خالد ..
😀 :rolleyes: تسلمين عتواصلج الدايم أم خالد .
فيه حل يسوون مظلات على شكل حضاري وفي اماكن معينه
والله حرام حاطين فوق روسهم كراتين من الشمس