وحدة مزيونة بالحيل…….و حبيبة
بس تخون
وش اسوي بجمالها؟؟
بياخذها الزمان و بتغدى عجوز
عادي……..طاح الحطب………. و حلوة الحياة
المشهد الثاني
سيارة مسرعة
و تدعس لها واحد
مسكين هندي
و العسكري ربيع الطايش
والخطا نصه على الهندي
والباقي على أبو الطايش
و في الليل…..الطايش يلعب بلوت
عادي……..طاح الحطب………. و حلوة الحياة
المشهد الثالث
غني و ظالم
يطرد المساكين……و يستغل الضعوف
مغرور و فاسق
و مجلسه عامر
كلن يبهر له
و مع ذلك يجمع حسنات…….من كثر اللي يسبونه
عادي……..طاح الحطب………. و حلوة الحياة
المشهد الرابع
يكد يدرس و يشتغل
عسب يبني مستقبله
تزوج و ور**ه ربي بعيال……من بعده تقاعد
صار يسكن في مكان…..و أم عياله في مكان
والسبب العيال
صار دار المسنين بيتهم
عادي……..طاح الحطب………. و حلوة الحياة
المشهد الخامس
مرفوع الكفن أبيض
وصاحبه وسط البياض
بعضهم يبكي…….و بعضهم عادي
دفنوه…..و تبكبكوا شوي
و اخر الليل سكارى
عادي……..طاح الحطب………. و حلوة الحياة
المشهد السادس
ملتزم
يصلي كل الفروض
و اذا تعب….. فوت صلاة الفجر
واذا شبع راحت صلاة العصر
و عنده دش…….و يكذب كثير
و اذا صحى الصبح …..مشط اللحية
عادي……..طاح الحطب………. و حلوة الحياة
المشهد السابع
ميحد وموتر يديد
والعنز مربوطه بلسطحه
ومن شافه قال بطراان
والفنيله الداخليه مقطنه
وبطاقة الدوام مرهونه فشيشة البترول
والعقال 20 طابق
و اذا اجتمع مع الشباب قال:
متى بنتحضر؟؟؟؟؟؟
عادي……..طاح الحطب………. و حلوة الحياة
المشهد الثامن
اهم شي الثوب نظيف…….و الشماغ مكوي
و القلم ماركة……والساعة تضوي
و البوك خزنه …….والسيارة عجب
و تلفونه ما يسكت
إما بنات
أو البنوك تبي فلوسها
عادي……..طاح الحطب………. و حلوة الحياة
المشهد التاسع
سطحية …….و مغرورة
غبية……و متكبرة……و يا ريتها حلوة
تبي زوج مواصفات
ما يقول لا…….ويكره الاستراحات
لازم وسيم…..و انيق…..و متعلم…..و دخله ممتاز
و يحب السفر
و بعد سنين……تلاقي نفسها في الانترنت
تدور واحد يقبل بها
عادي……..طاح الحطب………. و حلوة الحياة
المشهد العاشر
فتح الكمبيوتر
و دخل للمنتدى……و كلامه ما يتعدى ان الموضوع روعة و رهيب
و هو ما قراه و لا يعرف كاتبه
بس يبي يزيد المواضيع موضوع
ويزيد همومنا هم
علشان يصير صاحب الألف موضوع
و يتميز
والمشكلة انه يتميز
عادي……..طاح الحطب………. و حلوة الحياة
المشهد الأخير
الكذب اثم………ومع ذلك نستخدمه
و ندري ان هذا حرام……..و مع ذلك نجربه
نتذكر السهرة و الفرح و السفر
و ننسى الجالسين على كتوفنا
و نتناسى ان معهم كتاب يسجل افعالنا و نياتنا
كل شي محسوب
حتى النظر
نسينا ان ورانا يوم……علاماته قربت
ومع ذلك كلنا ناسين
أن بقيت على حالك تتناسى ……..لازم تعرف إن
ذاك اليوم مهوب عادي
وانت الحطب
و ما به حياة
واقع مرير ……………. واللهم ار**نا حسن الخاتمة و ار**نا الجنة …. آمين
و بوركت على طرحك
ومشكور عالمداخله