كـــــــــــل عــــــــــــام وأنتــــــــم إلـــــــى اللــــــه أقــــــرب..
والله يعوده عليناوعالأمة الإسلامية بالخير والبركات والانتصارات يارب
إشحالكم فريخات
عساكم بخير
ياينكم ارمضان حبايبي
ضيفنا العزيز يدق الأبواب فأحسنوا ضيافته وإكرامه
رمضان مزرعة إيمانية لا تحرمون نفسكم من ثمارها الطيبة
والله يبلغنا إياه اعوما وأعوام
الصراحة استانست واااااايد يوم جفت فريخاتي اللي اختفوا رجعوا مرة ثانية وأساميهم منورة المنتدى من يديد
بس حبيت أقولكم إني بتوله عليكم وااااااااايد وبفتقدكم الصراحة لني بختفي بإذن الله في ارمضان وما بدخل النت 🙁
وحتى الواير بيتوله عليكم
😀 :rolleyes:
عاد اسمحوالنا جان غلطنا عليكم او زلينا عليكم مافي شي في خاطركم علي ( صح بحورة 😀 )
وبرجع إلكم بعد العيد إن شاء الله
عاد لا تنسون اتيمعون العيدية مالتكم
ولا تضاربون ساااامعين ولا تاخذون عيدية الصغارية تقصون عليهم مساكين 😀
فحفاظا عالعيدية وسلامة الأرواح
بخش العيدية عندي في المخبأ السري مالي 😀
لالالا مب تحت الزولية ولا في طرف شيلة الصلاة مالتي
( أمي فديتها جي اسوي دوم يوم تبا تخش البيزات 😀 )
لا ازيغون ما باخذها حقي :rolleyes:
بيمعها بس عشان تشترون حلاوة وألعاب
المهم
هالله هالله في عماركم
ولا تنسونا من دعواتكم الطيبة يا طيبين
عاد لا تنسونا حزة الفطور
انا تراني وايد أحب الثريد جان بطرشون بيتنا 😀
والشمبوووسة يابحورتي لين الحين ماعرفت طريقتها اسمحي لي 🙁 🙁
وصلوا سلامي للجميع والحاضر يعلم الغايب والواعي يبلغ الراقد
وبلغوا سلامي لأخوي عاشق الأحمر
وعقبال ما ايي ارمضا ن وهو في البلاد ويانا
واسمحوالي
خداهافز بجا 🙁
ــــــــــــــــــــــــــــــــــــــــ
أمكم المحبة
ام همام
بارك الله فيكى يا ام همام
و تقبل منك طاعتك
و كل عام و انتم الى الله اقرب
سلامك وصل للجميع ان شاء الله
ننتظر عودتك مع اطلاله عيد الفطر
خاطري اجوفج يوم مدخلة لسانج 🙁
انا بقولج ليش بودره
أولا
الصراحة لني ما ابغي أشغل نفسي بشي ثاني في ارمضان وابغي أستغل كل لحظة فيه بعييييييد عن كل شي
ثانيا
بكون مشغولة ويا الوالدة في البيت وما بيكون فيني حيل ادش واطقطق عالكيبورد
وثالثا
عشان اتلولهون علي شوي 😀
وسلامتج
يا مهاية ppp
بإذن الله أرجع لأسرتي الحبيبة منتدى الامارات
في العيد بكل قوة ورغبة صادقة في العطاء
تحياتي لك اخي الكريم
أختك
أم همام
الله يعوده علينا وعليكم بالخير والبركة….
صح بتوله على ردودج واايد بالمنتدى…بس ما عليه..انشالله نتواصل دووم..والله يعينا ونحافظ على كل لحظه من هالشهر الكريم….
وعيدج مبار ك مقدما….مقدما واايد بعد…
بنتج..حريجه
:p
والله يتقبل منك أعمالك بهذا الشهر الفضيل يا أم همام …
وتردين لنا سالمة غانمة ….
<body onUnload="window.alert(‘مبروك عليكم الشهر يا أعضاء الامارة الطيبة ..والله يبعدكم من كل مكروه ويعيده عليكم ..اخوكم ستار2020’)">
الله يبارك فيج وفي جميع الاخوان والاخوات
والله يجعل الشهر الفضيل يعود علينا بالخير
وان يعم ديار المسلمين بالأمن
وجزاج الله خير اختي ام همام